Манчестер Сити е последниот тим што стигна до полуфиналето на англискиот ФА Куп, победувајќи со 2:1 на гостувањето кај Борнмаут.
Откако Ерлинг Халанд промаши пенал за водство на Манчестер Сити во 14. минута, Борнмаут ја искористи предноста и поведе со голот на Еванилсон во 21. минута.
Халанд се извади за промашениот пенал во 49. минута, кога израмни на 1:1 на асистенција на Нико О’Рајли. Норвешкиот напаѓач поради повреда го напушти теренот во 61. минута, а неговата замена Омар Мармуш го одведе Сити во полуфиналето со голот во 63. минута, со уште една асистенција на О’Рајли.
Веднаш подоцна во недела беа извлечени полуфиналните двојки, а Манчестер Сити за пласман во финалето ќе игра против Нотингем Форест. Другата полуфинална двојка ја сочинуваат Кристал Палас и Астон Вила.
Двата меча ќе се играат на лондонски „Вембли“, а полуфиналните натпревари се закажани за 26 и 27 април.
Слични новости
МЛС му забрани на телохранителот на Меси на работ од теренот
Телохранителот на веројатно најдобриот фудбалер во светот, Лионел Меси, Јасин Чеуко, доби забрана да стои на самата линија на теренот за време на натпреварите
Продолжуваат победничките серии на Бостон и Оклахома
Бостон Селтикс ја продолжија победничката серија на девет натпревари совладувајќи ги Мемфис Гризлис на гости со 117:103
Манчестер Сити подолго време без Халанд
Манчестер Сити во понеделникот потврди дека 24-годишниот норвешки напаѓач Ерлинг Халанд ќе биде надвор од терените во поголемиот дел од тековната сезона, откако се здоби со повреда во четвртфиналето на ФА Купот