Кошаркарите на Денвер Нагетс ги совладаа Сакраменто Кингс со 132:123, а Никола Јокиќ го одигра еден од најдобрите натпревари во својата НБА кариера.
Српскиот центар за 37 минути на теренот постигна 35 поени, имаше 22 скока и додаде 17 асистенции, а имаше и една украдена топка и две блокади. Тоа е петтиот „трипл-дабл“ на Јокиќ во низа оваа сезона.
Во историјата на НБА, само легендарниот Вилт Чембрлејн, во 1968 година, успеал да постигне статистика од 30+ поени, 20+ скокови и 15+ асистенции во еден натпревар.
Посебно за паметење ќе остане неверојатниот потег на Јокиќ на крајот од третата четвртина, кога при резултат 107:85, со еден потег ги одушеви сите во салата. Српскиот центар ја прими топката под својот кош, а потоа со едната рака ја фрли преку теренот – топката заврши токму во противничкиот кош.
НБА веднаш го сподели овој потег на социјалните мрежи, а многумина ја пофалија генијалноста на Јокиќ.
Што се однесува до самиот меч, Нагетс одиграа исклучително ефикасен дуел од првата четвртина и на пауза заминаа со резултат 74:52. Кралевите се обидоа да се вратат, но секој пат Јокиќ ги спречуваше да го направат тоа во текот на третата четвртина, вклучително и потег на крајот од четвртината, кога погоди „тројка“ преку целиот терен.
Денвер се опушти во последната четвртина и тоа можеше да го чини, Сакраменто во еден момент се спушти на минус пет, но беше предоцна за пресврт.
Покрај Србинот добар натпревар одиграа и Кристијан Браун со 21 поен, како и Мајкл Портер Јуниор кој постигна 20. Од друга страна блескаше ДеМар Дерозан со 24 поени, додека Домантас Сабонис имаше 23 поени и 19 скока.
Јокиќ и Денвер сега имаат 28 победи и 16 порази и се на 4. место во Западната конференција.
Слични новости
Насер Џига замина од Ѕвезда во Вулверхемптон
Досегашниот фудбалер на Црвена Ѕвезда Насер Џига потпиша договор со Вулверхемптон до 2030, соопшти англискиот клуб.
НБА: Уште еден „трипл-дабл“ на Јокиќ во победата на Денвер
Никола Јокиќ додаде уште еден 23-ти „трипл-дабл“ сезонава со 27 поени, 14 скока и 10 асистенции.
Фокс разменет во Спарс, ЛаВин оди во Кингс
Голема размена се случи во американската професионална кошаркарска НБА лига, во која учествуваа три клуба, а беа разменети седум играчи и уште седум избори на драфтот, а најголемото име што го промени клубот беше „Ол-стар“ бекот Де’Арон Фокс, кој премина од Сакраменто Кингс во Сан Антонио Спарс