Управата за хидрометеоролошки работи издаде метеоаларм, предупредувајќи дека денеска низ земјава се очекува нестабилно време со повремени врнежи од дожд и локална нестабилност.
Според прогнозата, на повеќе места ќе има пороен дожд, грмежи и засилен ветер, а локално ќе се создадат услови за невреме проследено со појава на град.
Ќе дува умерен северен ветер, додека долж Повардарието повремено ќе биде засилен и ќе достигнува брзина поголема од 60 километри на час.
Од УХМР апелираат граѓаните да бидат внимателни при престој на отворено и да ги следат најновите временски информации поради можноста за брзи промени на временските услови.
Слични новости
Штрајкуваат грчките цариници – од 05 до 09 часот ограничувања на граничните премини со Грција
Денеска почна штрајк на грчките царински службеници, кој се одржува во периодот од 05:00 до 09:00 часот по македонско време. Ограничувањата се однесуваат на сите три гранични премини меѓу Македонија и Грција – Евзони (Богородица), Ники (Меџитлија) и Дојрани (Дојран).
Пожарите во Франција се приближуваат кон градот Бордо
Во Франција е во тек најголемата евакуација на население по Втората светска војна. Иако градоначалникот на Бордо изјави дека самиот град засега не е директно загрозен, бројни населби во неговата околина се целосно евакуирани.
Гостивар денеска треба да добие вода за пиење
Според најавите на премиерот Христијан Мицкоски, последните анализи покажуваат добри резултати по спроведеното хиперхлорирање на водоводната мрежа, а надлежните институции денеска треба да ја потврдат исправноста на водата за техничка употреба.