Претседателката на Европската комисија, Урсула фон дер Лајен, започнува тридневна турнеја низ Западен Балкан. Првата станица од нејзината посета е Албанија, каде што пристигнува денеска.
Во петок на 2 октомври, шефицата на Европската комисија ќе ја посети Македонија, а предходно е во Косово, Црна Гора. Овој пат, Србија и Босна и Херцеговина не се вклучени во планот на посетата.
Албанија постигнува историски напредок на патот кон ЕУ: земјата ги затвора првите преговарачки поглавја.
Во Тирана, Фон дер Лајен ќе одржи разговори со албанскиот претседател Бајрам Бегај и со премиерот Еди Рама. Нејзината агенда вклучува и посети на проекти спроведени со европски средства, иако деталите за нив сè уште не се објавени.
Клучен фокус на разговорите ќе бидат европската интеграција на Албанија и следните чекори во преговарачкиот процес. Се очекува да се разговара и за постепената интеграција на земјите од Западен Балкан во единствениот европски пазар, како и за спроведувањето на Планот за раст за регионот.
Слични новости
Истекува мерката намалено ДДВ за дизелот – се чека Регулаторна да ги објави новите цени на горивата
Мерката со која ДДВ за дизел-горивото беше намалено од 18 на 10 проценти истекува денеска. Намалената стапка се применува од 15 септември, а Владата треба да одлучи дали истата ќе биде продолжена и во следните две недели.
Откриена нелегaлна плантажа на канабис во струмичко, двајца се уапсени
Две лица од Ново Село на возраст од 30 и 35 години се гонат за „неовластено производство и пуштање во промет на наркотични дроги, психотропни супстанции и прекурсори” .
Уставниот суд повторно решава за финансирањето на државното рекламирање
Иницијативите се поднесени од Левица и партијата Демократи, а се оспоруваат членовите кои се однесуваат на распределбата на медиумскиот простор и јавните средства за платено политичко рекламирање меѓу учесниците на изборите.