Израелски борбени авиони бомбардираа најмалку три од главните воени воздухопловни бази во Сирија, во кои беа сместени десетици хеликоптери и авиони, во најголемиот бран напади откако беше соборен Башар ал Асад, изјавиле два сириски безбедносни извора за Reuters.
Погодени се воздушната база Камишли во североисточна Сирија, воздухопловната база Шиншар во близина на Хомс и аеродромот Акрба југозападно од главниот град Дамаск, рекле изворите.
Биле изведен и неколку напади врз истражувачки центар во предградијата на Дамаск и центар за електронско војување во близина на областа Саједа Заинаб во главниот град.
Израел во понеделникот пред Советот за безбедност на Обединетите нации изјави дека презел „ограничени и привремени мерки“ во демилитаризираната зона што граничи со Сирија за да се спротивстави на какви и да се закани.
„Важно е да се нагласи дека Израел не интервенира во тековниот конфликт меѓу сириските вооружени групи, нашите акции се единствено фокусирани на зачувување на нашата безбедност“, напиша израелскиот амбасадор во ОН, Дени Данон во писмото до Советот.
Наведе и дека Израел останува посветен на рамката на Договорот за раздвојување од 1974 година.
Израелските власти во понеделникот рекоа дека Израел ќе ги засили воздушните напади врз сириските магацини за тешко стратешко оружје, додавајќи дека ќе одржи „ограничено“ присуство на војници на теренот и се надева дека ќе спречи каква било закана што може да се појави како резултат на соборувањето на претседателот Башар ал-Асад.
Слични новости
Мерки за претпазливост за четири лица, за Груби и поранешен директор мерки притвор по нивното пронаоѓање
Основното јавно обвинителство од Скопје побара притвор за поранешниот потпретседател на Владата, Артан Груби веднаш штом ќе биде приведен како осомничен за злоупотреба во вршење на службената должност
Русија ќе го зајакне својот балистички арсенал со нови ракети и тестирања
Русија го зајакнува својот балистички арсенал со нови стратешки ракетни системи, планира да лансира ракета со максимален дострел и може да го зголеми бројот на тестови како одговор на растечките надворешни закани
Германија им се придружува на САД и Велика Британија во воспоставувањето контакт со сириската HTS
Германија планира во вторник да разговара со претставници на Хајат Тахрир ал-Шам (HTS) во Дамаск, соопшти Министерството за надворешни работи, придружувајќи им се на САД и Велика Британија во контакт со исламистичката џихадистичка група која го предводеше соборувањето на претседателот Башар ал-Асад