Руските сили ја погодија енергетската и гасната инфраструктура на Украина во нивниот најнов напад со беспилотни летала и проектили, изјави во петокот украинскиот министер за енергетика.
„Уште еднаш, енергетската и гасната инфраструктура во различни региони на Украина се најде под масовен оган од ракети и беспилотни летала“, објави на Facebook министерот за енергетика Герман Галушченко.
Во нападот беа оштетени капацитетите за производство на природен гас на украинската државна компанија за нафта и гас „Нафтогаз“, се вели во соопштението на компанијата.
„Оштетени се производствените капацитети кои обезбедуваат производство на гас. За среќа, нема жртви“, објави „Нафтогаз“ на Telegram.
Гувернерот на Тернопил, на западот на земјата, Вјачеслав Нехода, рече дека нападот погодил критична индустриска постројка и најави можни ограничувања за снабдувањето со гас. Украинската воздушна одбрана го соборила проектилот и нема жртви, рече тој во објава на Telegram.
Во североисточниот град Харков, руските сили нападнале цивилно претпријатие и раниле најмалку пет лица, а во северниот регион Чернихив, според гувернерите била погодена фабрика за производство.
Русија, која претходно ги насочи своите ракетни и беспилотни напади врз електроенергетскиот сектор во Украина, остро ги засили нападите врз украинските складишта и производствени полиња за гас во последните месеци.
Слични новости
Зеленски: Украина „целосно конструктивна“ во разговорите со американските претставници
Претседателот Володимир Зеленски рече дека позицијата на Украина на разговорите во Саудиска Арабија со американските претставници во вторник ќе биде „целосно конструктивна“ и дека се надева на практични исходи од преговорите за ставање крај на руската војна во неговата земја
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство