Украинските и американските делегации започнаа разговори во Саудиска Арабија, на кои агендата вклучува предлози за заштита на енергетските капацитети и критичната инфраструктура, изјави во неделата украинскиот министер за одбрана Рустем Умеров.
„Ја спроведуваме директивата на претседателот на Украина за приближување кон праведен мир и зајакнување на безбедноста“, објави на Facebook Умеров, шеф на украинската делегација.
Средбата на делегацијата на САД и Украина претходи на разговорите меѓу американската и руската делегација закажани за понеделник.Средбата доаѓа по серијата разговори одржани во Саудиска Арабија, прво меѓу САД и Русија, а потоа и меѓу САД и Украина, кога Киев го прифати предлогот за 30-дневен прекин на огнот.
Путин се согласи привремено да ги запре нападите врз украинските енергетски капацитети, но одби да одобри целосен 30-дневен прекин на огнот, иако Трамп се надеваше дека тоа ќе биде првиот чекор кон постојан мировен договор.
Американскиот специјален пратеник за Украина, Стив Виткоф, изрази оптимизам во неделата пред разговорите во Саудиска Арабија за ставање крај на војната во Украина, велејќи дека верува оти Путин сака да стави крај на тригодишниот конфликт.
Трамп во саботата рече дека напорите да се запре понатамошната ескалација на украинско-рускиот конфликт се „донекаде под контрола“.
САД се надеваат дека ќе постигнат поширок прекин на огнот во рок од неколку седмици, надевајќи се на договор за прекин на огнот до 20, април, објави во неделата Blomberg, повикувајќи се на добро информирани извори.
Слични новости
Маск најави завршување на планираните кратења на федералните трошоци за неколку седмици
Технолошкиот милијардер Илон Маск, кој беше ангажиран од американскиот претседател Доналд Трамп за да ја намали државната администрација, изјави во четвртокот дека најголемиот дел од работата за намалување на сојузната потрошувачка за трилион долари ќе биде завршена до крајот на неговиот мандат, односно за 64 дена
Путин сугерира можност за ставање на Украина под привремена управа
Рускиот претседател Владимир Путин сугерираше дека Украина може да биде ставена под некоја форма на привремена администрација за да се овозможи одржување на нови избори во земјата и потпишување на клучни договори со цел да се постигне решение
Крајно десните европски политичари на конференција за антисемитизмот во Ерусалим
Израелскиот премиер Бенјамин Нетанјаху предупреди во четвртокот на „пожари на антисемитизмот“ во Западна Европа на конференцијата која беше засенета од бојкотот на неколку еврејски говорници поради присуството на десничарски и крајно десничарски европски политичари