Украинската војска доцна во вторникот соопшти дека напад со британско-француски ракети „Storm Shadow“ погодил хемиски погон во регионот Брјанск во јужна Русија, кој го опиша како клучен за воените напори на Москва.
„Извршен е масовен комбиниран ракетен и воздушен напад, вклучително и напад со воздушно лансирани ракети Storm Shadow кои го пробија рускиот систем за воздушна одбрана. Резултатите од нападот се проценуваат“, објави Генералштабот на украинските вооружени сили на апликацијата за пораки Telegram.
Тие ја опишаа фабриката како „клучен погон“ за производство на барут, експлозиви и ракетно гориво. Агенцијата Reuters истакнува дека не можела независно да го потврди извештајот.
Руското Министерство за одбрана во вторник вечерта објави во објава на Telegram дека единиците за воздушна одбрана уништиле 57 украински беспилотни летала над регионот Брјанск.
Министерството ретко известува за штетата што ја нанесува Украина во војната што Русија ја започна со својата инвазија во февруари 2022 година.
Александар Богомаз, гувернерот на регионот Брјанск, во објава на Telеgram изјави дека Украина го нападнала регионот со беспилотни летала и ракети во вторник попладнет. Додаде дека никој не е повреден во нападот и дека не е пријавена никаква штета. Гувернерот на рускиот регион Мордовија објави на Telegram дека регионот бил цел на масовен напад од украински беспилотни летала во средаta, во кој бил оштетен локален цивилен објект.
Слични новости
Сообраќајот на граничниот премин Богородица конечно нормализиран
Сообраќајот на граничниот премин Богородица ( Евзони ) е целосно нормализиран од 21 часот, информираат од Автомото сојузот на Македонија. Претходно, овој премин беше во целосна блокада, и за влез и за излез од земјава, поради штрајк на земјоделците во Грција.
Зеленски: На Украина ѝ недостигаат 800 милиони долари до крајот на годината за оружје
На Украина ѝ недостигаат околу 800 милиони долари за да купи американско оружје до крајот на оваа година со помош на европските сојузници, изјави...
Трамп ја изостави Северна Кореја во својата безбедносна стратегија, можно обновување на дипломатијата
Новиот план на американскиот претседател Доналд Трамп за глобална безбедност повеќе не вклучува денуклеаризација на Северна Кореја, што ги поттикнува шпекулациите дека Вашингтон се стреми да ги зголеми шансите за дипломатски напредок со Пјонгјанг во 2026 година