Украина синоќа возврати со голем напад со беспилотни летала врз руска воена и енергетска инфраструктура, само ден по смртоносниот руски ракетен напад врз Киев во кој загинаа најмалку 21 лице.
Според информации објавени од Киев Индепендент, украинските дронови погодиле повеќе цели во различни руски региони, а на социјалните мрежи се појавија снимки од огромен пожар во нафтена рафинерија во Рјазан. Локални жители изјавиле дека виделе повеќе дронови пред да се слушнат силни експлозии во реонот на постројката.
Рафинеријата често е цел на украински напади поради нејзината улога во снабдувањето на руската воена машинерија. Рјазан се наоѓа околу 450 километри од украинската граница и 180 километри југоисточно од Москва.
Гувернерот на Рјазанската област, Павло Малков, изјави дека остатоци од дрон погодиле неименувано претпријатие и неколку станбени објекти. Според неговите информации, загинале три лица, а 12 биле повредени.
Слични новости
Царините на САД паднаа на суд, Америка враќа 166 милијарди долари
Администрацијата на Доналд Трамп почна да прима барања од компании за враќање на повеќе од 166 милијарди долари наплатени царини, откако Врховниот суд на САД пресуди дека претседателот немал законско овластување да ги воведе преку вонредните економски овластувања.
ЕУ замрзнува 1,5 милијарди евра за Србија
Комесарката за проширување на ЕУ, Марта Кос денеска ќе соопшти дека Европската унија замрзнува 1,5 милијарди евра наменети за Србија
САД запленија брод под иранско знаме
Веста ја доведе во прашање претходната најава на претседателот на САД Доналд Трамп дека американските преговарачи ќе се упатат кон Пакистан денеска на уште една рунда разговори со Иран и веднаш ја крена цената на нафтата на светските берзи.