Украинскиот претседател Володимир Зеленски изјави во вторникот дека Украина ќе го поддржи предлогот на САД за запирање на нападите врз руската енергетска инфраструктура и дека се надева дека ќе разговара со американскиот претседател Доналд Трамп за неговиот телефонски разговор со рускиот претседател Владимир Путин.
Белата куќа претходно објави дека Путин и Трамп во телефонски разговор во вторникот се договориле за ограничен 30-дневен прекин на огнот за енергетската инфраструктура во Украина и дека разговорите за поширок мировен план ќе започнат „веднаш“.
„Двете страни, Украина и Русија, можат да се воздржат од таргетирање на енергетската инфраструктура. Нашата страна ќе го поддржи тоа“, рече Зеленски на онлајн брифингот со новинарите
Додаде дека Украина ќе ги поддржи сите предлози кои водат кон „стабилен и праведен мир“.
Зеленски рече дека по разговорите Путин-Трамп телефонски разговарал со францускиот претседател Емануел Макрон и со германскиот канцелар Олаф Шолц.
„Мислам дека би било добро да разговараме со претседателот Трамп и да ги дознаеме деталите за тоа што Русите им понудиле на Американците или што Американците им понудиле на Русите“, рече тој.
Зеленски, исто така, рече дека се надева оти украинските партнери нема да ја прекинат клучната воена помош за Украина. Тој го кажа ова во врска со изјавата на Путин дека с ета воена и разузнавачка помош за Украина мора да биде суспендирана за да се реши конфликтот.
Слични новости
Европските челници се договорија за зајакнување на Украина, но не и за „силите за поддршка“
Европските челници ја потврдија својата долгорочна поддршка за Украина на самитот во Париз во четвртокот, но се чини дека постигнале мал напредок во поглед на улогата што би можеле да ја играат во обезбедувањето безбедносни гаранции доколку се постигне мировен договор со Москва
Американското Министерство за здравство и човечки услуги под Кенеди отпушта 10.000 луѓе
Министерството за здравство и човечки услуги на САД во четвртокот објави дека ќе отпушти околу 10.000 вработени со полно работно време и ќе затвори околу половина од своите регионални канцеларии
Европскиот суд побара од српските власти да коментираат за употребата на звучно оружје на протестот
Европскиот суд за човекови права (ЕСЧП) побара од српската влада да даде одговори во врска со наводите дека било употребено звучно оружје против учесниците на масовниот протест во Белград на 15 март, поставувајќи краен рок за одговор до 31 март, а правни експерти укажуваат дека тоа може да влијае на процесот на европска интеграција на Србија