Американскиот претседател Доналд Трамп изјави во средата, за време на состанокот на американската влада, дека Украина „може да заборави“ на пристапувањето во НАТО.
Одговарајќи на новинарски прашања за руската агресивна војна и пристапувањето на Украина во НАТО, Трамп рече дека дискусијата за влез во алијансата веројатно е причината поради која започнала целата работа, веројатно мислејќи на војната во Украина, извести агенцијата dpa.
Украина, која веќе три години се брани од целосна руска инвазија со поддршка од Западот, долго време се обидува да се приклучи на споменатиот воен сојуз.
Русија постојано тврдеше дека НАТО ја загрозува нејзината безбедност и ја оправда својата инвазија на соседната земја со спречување на Украина да се приклучи на алијансата.
Американскиот потпретседател Џеј Ди Венс истакна дека Трамп е „превентивно обвинет“ дека направил отстапки за Русија.
На состанокот на Контакт групата за одбрана на Украина во Брисел пред две недели, американскиот секретар за одбрана Пит Хегсет рече дека администрацијата на Трамп не верува дека членството на Украина во НАТО е реален исход од договорениот крај на војната.
Алијансата минатата година ја увери Украина дека е на „неповратен пат“ кон членство, се вели во завршниот документ од самитот на НАТО во Вашингтон во јули.
Слични новости
ЕУФОР: Распоредуваме воено засилување во БиХ
Военото засилување на ЕУФОР во Босна и Херцеговина почна да пристигнува, потврди во вторникот командата на силите на Европската унија во Сараево
Фон дер Лајен: Урнати се илузиите за европската безбедност
Илузиите за безбедноста на Европа се урнати и Европската унија мора веднаш да почне да инвестира значително повеќе во својата одбрана, изјави во вторникот претседателката на Европската комисија, Урсула фон дер Лајен, во обраќањето пред Европскиот парламент
Новинарите во Грција започнаа 24-часовен штрајк
Новинарите во Грција, организирани од Грчката федерација на новинарски асоцијации во која учествуваат сите новинарски здруженија, од пет часот утрово започнаа 24-часовен штрајк со што земјата денеска ќе биде без вести и информативни емисии