Украина е решена да ја продолжи соработката со САД, изјави во вторникот премиерот Денис Шмихал, по најавата на Белата куќа дека ја прекинува воената помош за Украина, што е клучно за Киев во неговата војна против Русија.
„Украина е апсолутно решена да ја продолжи соработката со САД“, рече Шмихал. „САД се важен партнер и ние мора да го зачуваме тоа“, рече тој на прес-конференција во Киев.
Претставник на Белата куќа во понеделникот изјави дека САД ја прекинуваат воената помош за Украина, но нагласи дека тоа не е „трајно прекинување на помошта, туку пауза“.
Шмихал нагласи и дека Киев е подготвен „во секој момент“ да потпише договор за ретки минерали со Вашингтон.
Американскиот претседател Доналд Трамп и украинскиот претседател Володимир Зеленски требаше да го потпишат договорот во петокот во Белата куќа, но поради нивната вербална пресметка настанот беше откажан.
Слични новости
Зеленски: Украина „целосно конструктивна“ во разговорите со американските претставници
Претседателот Володимир Зеленски рече дека позицијата на Украина на разговорите во Саудиска Арабија со американските претставници во вторник ќе биде „целосно конструктивна“ и дека се надева на практични исходи од преговорите за ставање крај на руската војна во неговата земја
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство