Франција во четвртокот ѝ ги испорача првите борбени авиони „Mirage“ на Украина, а пристигнаа и холандските „F-16“, објавија официјални лица.
Претседателот Емануел Макрон во јуни минатата година вети дека украинските пилоти ќе бидат обучени на „Mirage“ 2000, што беше чекор напред во воената помош за Украина.
„Украинските пилоти кои веќе неколку месеци се обучуваат во Франција, сега ќе го бранат небото над Украина“, напиша францускиот министер за одбрана Себастијан Лекорну на X.
Ова го потврди и украинскиот претседател Володимир Зеленски на истата социјална мрежа. „Првите Mirage 2000 пристигнаа од Франција, со што ги зајакнавме нашите одбранбени капацитети“.
Официјални лица рекоа дека од безбедносни причини, не може да се открие колку авиони од едномоторните повеќенаменски борбени авион „Mirage“, кои беа заменети со напредните „Rafale“ во француските воздухопловни сили, биле испорачани.
Во извештајот на француската парламентарна комисија од крајот на 2024 година се наведува дека шест од 26-те „Mirage“ француската воздухопловна флотила ќе бидат донирани на Украина.
Во исто време, украинскиот министер за одбрана Рустем Умеров објави дека Холандија му доставила на Киев борбени авиони „F-16“ од американско производство.
Тие, заедно со француските борбени авиони, „наскоро ќе се впуштат во борбени мисии“, напиша Умеров на Facebook. „Продолжуваме да ја шириме нашата флотила F-16“, рече Зеленски.
Во октомври, холандскиот министер за одбрана Рубен Брекелманс објави дека Амстердам ја доставил првата серија ловци „F-16“ во Киев од 24 ветени. Холандија, исто така, испорача 18 од овие ловци во центарот за обука на пилоти, вклучително и украински, во Романија.
Првите „F-16“ пристигнаа во Украина во 2024 година, но нивната улога во војната беше ограничена од моќните руски воздушни сили. Најмалу еден од овие американски борбени авиои е соборен од минатата година, што го признаа украинските сили како грешка на својата противвоздушна одбрана.
Слични новости
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада
Руски извори се скептични за американскиот предлог за 30-дневен прекин на огнот
Руски извори реагираа претпазливо на предлогот на САД за 30-дневен прекин на огнот што Киев го поддржа во средата, велејќи дека секој договор за ставање крај на војната во Украина треба да го земе предвид напредокот на Русија и да одговори на загриженоста на Москва