Помошник на украинскиот претседател Володимир Зеленски во неделата изјави дека повикот на САД за Украина да одржи избори по прекинот на огнот со Русија изгледа како „пропаднат план“ доколку е тоа сѐ од што се состои.
Главниот американски функционер задолжен за Украина, Кит Келог, изјави за Reuters дека Соединтетит држави сакаат Украина да одржи избори, потенцијално до крајот на годината, особено доколку Киев успее да постигне прекин на огнот со Русија во наредните месеци.
„Не го видовме целото интервју на г-дин Келог, само неколку изјави за изборите, па затоа е тешко да се процени неговата позиција. Но, ако неговиот план е само прекин на огнот и избори, тогаш тоа е неуспешен план – (рускиот претседател Владимир) Путин нема да биде заплашен од тоа“, изјавува Дмитро Литвин, советник на Зеленски во писмената изјава за Reuters.
Киев постојано изјави дека не сака прекин на огнот без безбедносни гаранции што ќе ја спречи Русија да ги зајакне своите сили и да започне нова инвазија во иднина. Изборите во моментов се забранети поради воената состојба, која Украина ја воведе по руската инвазија во 2022 година.
Литвин наведува дека Украина претпочита да види подлабок пристап од официјалните претставници на клучните партнери.
„Но, се сеќаваме дека претседателот Трамп, на неговите средби со претседателот Зеленски, зборуваше длабоко и мудро за ситуацијата и за тоа што навистина може да изврши притисок врз Путин“, рече тој.
Украина го пофали Трамп и неговиот пристап „мир преку сила“ додека Киев се обидува да ја добие потребната поддршка за да создаде услови за траен и стабилен мир.
Литвин вели дека е важно да се работи „на вистински пристап меѓу тимовите за да се договори конкретен план за завршување на војната и постигнување траен мир“.
Руската армија континуирано забрзано напредува последните месеци во источна Украина каде зазема клучни стратешки места од кои се овозможуваат продори кон западот и југот и кон централна Украина, додека драстично се намалува областа којашто украинските сили ја држат под контрола во областа Курск во западна Русија.
Слични новости
Канцелариите на американскиот Конгрес предупредени да не ја користат апликацијата ДипСик
Канцелариите на американскиот Конгрес се предупредени да не ја користат апликацијата на кинеската вештачка интелигенција ДипСик, јави американскиот...
Трамп вели дека царините за Мексико и Канада можеби нема да ја вклучуваат нафтата
Американскиот претседател Доналд Трамп во четвртокот изјави дека наскоро ќе одлучи дали да го исклучи увозот на канадска и мексиканска нафта од царините од 25 отсто што тој се закани дека ќе ги воведе во саботата на производите од тие земји
Рубио: Интересот на Трамп за Гренланд „не е шега“
Интересот на американскиот претседател Доналд Трамп за купување на Гренланд „не е шега“, рече државниот секретар Марко Рубио во интервјуто во четвртокот, додавајќи дека стекнувањето на Гренланд е во национален интерес на САД и дека тоа прашање треба да биде решено