Украина побара јавно извинување од Светското фудбалско тело (ФИФА) за означување на Крим на мапата користена во жрепката за квалификациите за Светското првенство во 2026 година.
За време на видеото пред жрепката во петокот, беше прикажана мапа на која се гледа дека Крим е дел од Русија, а не Украина. Русија го анектираше полуостровот во 2014 година, но меѓународната заедница не го признава тој чин.
„Не само што постапивте спротивно на меѓународното право, туку ја поддржавте и руската пропаганда, воените злосторства и криминалната агресија против Украина“, изјави портпаролот на украинското Министерство за надворешни работи Георги Тихи за ФИФА преку објава на X доцна во саботата.
Тој побара јавно извинување.
Портпаролот на ФИФА изјави дека графиката оттогаш била отстранета од видеото и за ситуацијата била разговарана со Украинците.
Веќе речиси три години Русија води војна против соседна Украина, која постојано ја објавува својата намера да го ослободи Крим од руската окупација.
Слични новости
НБА го претстави новиот формат на „Ол Стар“ натпреварите
Водството на американската професионална кошаркарска лига НБА соопшти дека овосезонскиот „Ол-стар“ натпревар, кој ќе се одржи на 16. февруари во Сан Франциско, ќе се игра во нов формат
Издаден налог за апсење на поранешниот боливиски претседател Евo Моралес
Обвинителите во Боливија издадоа нагог за апсење против поранешниот претседател на Боливија Ево Моралес кој е обвинет за трговија со луѓе, вклучувајќи и 15 годишно девојче со кое наводно има добиено дете.
НБА Kуп: Милвоки ја победи Оклахома Сити во финалето
Кошаркарите на Милвоки се новите освојувачи на НБА Купот, во финалниот меч во Лас Вегас ја победија Оклахома Сити со 97:81 (27:28, 24:22, 26:14, 20:17)