Во израелски воздушен напад врз Кан Јунис во јужниот дел на Појасот Газа е убиен политичкиот лидер на Хамас, Салах ал-Бардавел, објавија Хамас и палестинските медиуми во раните утрински часови во неделата.
Медиумите кои го поддржуваат Хамас истакнуваат дека во нападот биле убиени Бардавел и неговата сопруга.
Израел продолжи со големите напади врз Газа во вторникот, обвинувајќи го Хамас, откажувајќи се од договорот за прекин на огнот. Израелскиот премиер Бенјамин Нетанјаху повтори дека главната цел на војната е да се уништи Хамас како воен и владејачки ентитет и да се принуди групата да ги предаде преостанатите заложници.
Шефот на дефакто владата на Хамас, Есам Аделес и шефот за внатрешна безбедност Махмуд Абу Ватфа беа меѓу загинатите во израелските напади во вторникот, заедно со неколку други фунцкионери на движењето. Најмалку 500 луѓе беа убиени тој ден, од кои повеќе од половина беа деца и жени, соопштија палестинските здравствени власти.
Слични новости
Светот во исчекување на „царините на Трамп“
Потегот, најавен за среда, еден од многуте во кои Трамп ги искористи своите претседателски овластувања, беше поттикнат од неговото инсистирање дека најголемата светска економија е „измамена од секоја земја во светот“
Поплави на Парос и Миконос
Грчките острови Парос и Миконос, популарни меѓу туристите во текот на летната сезона, во понеделникот вечерта беа погодени од поројни поплави
Кина одржува големи воени вежби околу Тајван
Кина го распореди својот носач на авиони „Шандонг“ и други воени бродови околу Тајван, соопшти во вторникот тајванското Министерство за одбрана, додека Пекинг најави воени вежби околу островот