Уапсен синот на Мајкл Џордан Маркус, поради поседување кокаин

Маркус Џордан (34), помладиот син на легендарниот кошаркар Мајкл Џордан, е уапсен во Калифорнија под обвинение дека возел под дејство на алкохол, поседувал кокаин и дал отпор при апсењето.

Американските медиуми јавуваат дека Маркус Џордан удрил со своето Ламборџини во неколку конструкции пред железничка станица. Според официјалните документи, полицијата забележала светло на автомобилот на Џордан додека бил на шините. Кога се обиделе да му пријдат, виделе дека му се оштетени браниците и дека од под возилото биле исфрлени камења. Тој се обидел да побегне, но не успеал.

Маркус Џордан не сакал да излезе од автомобилот и постојано ги пцуел полицајците, но потоа признал дека бил во ноќен клуб и дека конзумирал алкохол. Кај него бил откриен и кокаин.

Маркус Џорадн се соочува со три обвиненија уништување јавен имот, поседување кокаин и попречување на полицајците да ја вршат работата. Откако ќе се плати кауцијата, тој ќе биде на слобода.