Федералната полиција на Бразил превентивно го уапси Жаир Болсонаро денес, неколку дена пред да започне со издржување на 27-годишната затворска казна за обид за државен удар, пишува Асошиејтед Прес.
Болсонаро бил однесен во седиштето на полициските сили во главниот град Бразилија од домашен притвор. Во кратко соопштение, во кое не се споменува името на Болсонаро, полицијата изјави дека дејствувала по барање на Врховниот суд на Бразил.
Болсонаро беше ставен во домашен притвор на почетокот на август, неколку недели пред да биде осуден за државниот удар. Неговите адвокати побараа од Врховниот суд на Бразил да му дозволи на Болсонаро да ја издржува казната дома, наведувајќи ја неговата лоша здравствена состојба.
Локалните медиуми објавија дека се очекува Болсонаро, кој беше претседател на Бразил од 2019 до 2022 година, да започне со издржување на казната следната недела откако ќе ги исцрпи сите жалби против неговата пресуда за водење на обидот за државен удар.
Се очекува некои од поддржувачите на Болсонаро, кои тврдат дека тој е политички прогонуван, да се соберат пред седиштето на федералната полиција во текот на викендот.
Слични новости
Оштетени депо и вагони во близина на Киев во напад со руски беспилотни летала
Железничко депо и неколку вагони во близина на Киев беа оштетени во голем руски напад со беспилотни летала и ракети, соопшти украинската државна железничка компанија „Укрзализниција“ во саботата
САД: Укината препораката за вакцинирање на повеќето деца против хепатитис Б
Советниците за вакцини во САД во петокот ја укинаа долгогодишната препорака сите деца во САД да ја примат вакцината против хепатитис Б при раѓање, што претставува голема победа за министерот за здравство и човечки услуги Роберт Ф. Кенеди Џуниор, но експертите за болести стравуваат дека тоа ќе ги поткопа децениите напредок во јавното здравство
Канада ја тргна Сирија од листата земји спонзори на тероризмот
Канада ја отстрани Сирија од својата листа на држави „спонзори на тероризмот“ и ја отстрани исламистичката групација Хајат Тахир ал-Шам, лидерот на бунтовничкиот сојуз што го собори претседателот Башар ал-Асад, од својата листа на терористички организации, објави канадската влада