Претседателката на Европската комисија, Урсула фон дер Лајен, во вторникот објави дека Турција ќе добие уштемилијарда евра оваа година за помош на сириските бегалци во земјата.
Според Фон дер Лајен, оваа сума треба да се додаде на речиси 10 милијарди евра што Анкара ги доби од 2011 година за да им помогне на луѓето кои бегаат од граѓанската војна меѓу сунитските бунтовници и социјалистичкиот режим на сирискиот претседател Башар ал-Асад, кој сега е соборен од власт.
Речиси три милиони сириски бегалци живеат во Турција, а повеќе од милион добија азил во Европската унија.
Новите пари треба да се искористат за здравство и образование, но и за управување со границите и финансирање на доброволното враќање на бегалците, рече шефицата на Комисијата.
„Едно е јасно, сите враќања мора да бидат доброволни, безбедни и достоинствени. Работиме со УНХЦР за да се осигураме дека се исполнети сите неопходни услови“, рече Фон дер Лајен зборувајќи заедно со турскиот претседател Реџеп Тајип Ердоган во Анкара.
Ердоган рече дека долгорочната и сеопфатна помош на ЕУ, вклучително и инвестициите во основната инфраструктура во Сирија, е од суштинско значење за да им се овозможи на Сиријците да се вратат дома.
По средбата и Ердоган и Фон дер Лајен ја истакнаа потребата од постигнување стабилност и зачувување на единството на Сирија.
„Турција има клучна улога во стабилизирањето на регионот“, рече Фон дер Лајен.
ЕУ во вторникот објави дека повторно ќе ја отвори својата делегација во Дамаск.
„Сега мора да ги засилиме нашите напори и да продолжиме со нашиот директен ангажман со ХТС и другите фракции“, рече претседателот на ЕК.
Исламистичката група Хајат Тахрир ал Шам (HTS), наследничка на џихадистичката групација Џебхат ан-Нусра односно сириското крило на глобалната терористичка мрежа Ал Каеда, која е главната група која помогната од турските воени единици во Сирија ја започна офанзивата со која беше соборен Асад, е на листата на ОН на терористички организации и е санкционирана од меѓународната заедница, вклучително и ЕУ.
Слични новости
Германија и Србија сакаат да соработуваат во експлоатацијата на литиумот
Германскиот канцелар Олаф Шолц и српскиот претседател Александар Вучиќ се сретнаа во вторникот во германскиот град Фрајберг, каде беа информирани за можностите за одржлива експлоатација на литиум
Логотетис: Се замрзнува издавањето одлука по барањето на азил во Грција за сириските бегалци
По последните случувања во Сирија, Грција го замрзнува издавањето одлука по барањето за азил за сириските бегалци, соопшти генералниот секретар од Министерството за миграција и азил Манос Логотетис во интервјуто за државната телевизија ЕРТ и посочи дека во земјата има над 8.000 Сиријци баратели на азил
Во петок земјите-членки на ЕУ уште еднаш ќе разговараат за отворање на Кластерот 3 во преговорите со Белград
Во петок, на 13 декември, на состанокот на Комитетот на постојаните претставници на земјите-членки на ЕУ (Корепер II), земјите-членки на ЕУ треба повторно да разговараат за отворање на Кластерот 3 во пристапните преговори со Србија