На новата администрација во Сирија треба да ѝ се даде шанса да владее по нејзините конструктивни пораки, а Турција е подготвена да обезбеди воена обука доколку се побара таква помош, изјави турскиот министер за одбрана Јашар Ѓулер.
Членката на НАТО, Турција ги поддржа сириските бунтовници кои минатиот викенд го соборија претседателот Башар ал Асад, ставајќи крај на 13-годишната граѓанска војна.
Турција повторно ја отвори својата амбасада во Дамаск во саботата, два дена откако нејзиниот шеф на разузнавањето ја посети сириската престолнина.
„Во својата прва изјава, новата администрација што го собори Асад објави дека ќе ги почитува ите владини институции, Обединетите нации и другите меѓународни организации“, им рече Ѓулер на новинарите во Анкара во коментарот објавен во неделата.
„Сметаме дека треба да видиме што ќе направи новата администрација и да им дадеме шанса“, рече тој.
На прашањето дали Турција размислува за воена соработка со новата сириска влада, Ѓулер рече дека Анкара веќе има договори за воена соработка и обука со многу земји.
„(Турција) е подготвена да ја обезбеди потребната поддршка доколку новата администрација го побара тоа“, додаде тој.
Од 2016 година, Турција започна четири воени операции во големи делови од северна Сирија, наведувајќи ги заканите за националната безбедност. Се проценува дека Турција има неколку илјади војници во градовите како Африн, Азез и Џараблус во северозападна Сирија и Рас ал-Аин и Тел Абјад на североисток.
Анкара би можела да разговара и да го разгледа прашањето за военото присуство на Турција во Сирија со новата сириска администрација „кога ќе се појават неопходните услови“, рече Ѓулер. Приоритет на Турција останува елиминацијата на курдската милиција YPG и тоа јасно му го кажа на Вашингтон, рече Ѓулер.
Сириските демократски сили (SFF), кои контролираат некои од најголемите нафтени полиња во Сирија, се клучен сојузник на американската коалиција против милитантите на Исламската држава. Тие се предводени од курдстака милиија Eдиници за заштита на народот (YPG), група која Анкара ја гледа како продолжение на забранетата Работничка партија на Курдистан (PKK), чии милитанти се борат против турската држава веќе 40 години.
„Во новата ера, терористичката организација PKK/YPG во Сирија ќе биде елиминирана порано или подоцна. Членовите на организацијата кои дојдоа надвор од Сирија ќе ја напуштат Сирија. Тие што се Сиријци ќе го положат оружјето“, додаде Ѓулер.
Ѓулер, за разлика од американските процени, рече дека Турција не гледа знаци за заживување на Исламската држава во Сирија.
Слични новости
Израел планира двојно да го зголеми населението во окупираниот Голан
Израел во неделата го одобри планот за зголемување на населението во окупираната Голанска висорамнина, додавајќи дека заканите од Сирија остануваат и покрај умерениот тон на водачите на бунтовниците кои го соборија претседателот Башар ал- Асад
Крајната десница сака Германија да го напушти НАТО
Потпретседателот на германската крајно десничарска патија Алтернатива за Германија (AfD), Тино Хрупала, го доведе во прашање членството на Германија во НАТО и ја прогласи Русија за победник во војната во Украина
Социјалдемократите го претставија планот за зголемување на инвестицијата „Произведено во Германија“
Германските социјалдемократи планираат да воведат програма „Произведено во Германија“ во идната влада за да ги поттикнат инвестициите во најголемата европска економија, покажа предизборниот манифест на партијата во неделата пред веројатните предвремени избори следната година