Претседателот на Турската фудбалска федерација, Ибрахим Хачиосманоглу, во средата соопшти дека големото дерби од 25. коло од домашниот шампионат меѓу Галатасарај и Фенербахче кое ќе се одигра во понеделник на 24 февруари ќе го суди странец.
„За да не ги доведеме нашите судии во тешка позиција, ќе ангажираме странски судија од светска класа за овој натпревар. Во врска со ова е извршена кореспонденција и добиени се потврди“, изјави Хачиосманоглу.
Галатасарај моментално води на табелата со шест бодови пред второпласираниот Фенербахче, а тренерот на Фенербахче, Жозе Мурињо минатиот викенд изјави дека неговиот тим „во нормални околности би имал осум или девет бода предност“, јасно алудирајќи на тоа дека наводно судиите во голема мера му помагаат на Галатасарај, кој наводно има поддршка од владејачките структури.
Пред десет дена фудбалерите на Адана Демирспор го напуштија теренот по половина час игра против Галатасарај во знак на протест поради досуден пенал за Галатасарај, иако според нив немало прекршок.
Галатасарај ги освои последните две турски првенства, додека најголемиот истанбулски ривал Фенербахче последен пат беше шампион во 2014 година.
Слични новости
По елиминацијата во Индијан Велс Ѓоковиќ изјави дека се мачи да игра на посакуваното ниво
Српскиот тенисер кој има најмногу грен слем титули во историјата на тенисот утринава беше елиминиран од 85 играч на светот Холанѓанецот Ботик ван Де Зандсхулп со 2:1 во сетови.
НБА: Селтикс ja добија пресметката на великаните во „ТД Гарден“
Во синоќешното дерби на НБА, Бостон Селтикс ги совладаа Лос Анџелес Лејкерс со 111:101 во својот „ТД Гарден“, со што ја прекинаа серијата од осум победи на гостинскиот тим
Нов деветти пораз на Манчестер сити овој пат од Нотингем Форест
Би Би Си објави дека за прв пат откако менаџер на тимот е Пеп Гвардиоала Манчестер сити може да не учествува во Лигата на шампионите