Турското кафе е внесено во регистарот на ЕУ како име на „гарантиран традиционален продукт“, соопшти Сојузот на трговските комори и берзи на стоки на Турција (TOBB).
Гарантиран традиционален продукт е назив на ЕУ за производи од селските домаќинства и прехранбени продукти произведени по традиционални методи и од традиционални суровини или состојки.
Регистрацијата е направена по молба од TOBB и таа е веќе објавена во Службен весник на ЕУ.
Процесот за регистрирање одзел три месеца, а турското кафе е првиот „гарантиран традиционален продукт“ од Турција регистриран во ЕУ, соопшти TOBB.
„Турското кафе, еден од најдлабоко вкоренетите симболи на нашата култура е вклучено и во Списокот на нематеријалното културно наследство на УНЕСКО. Со историјат од над 500 години, тоа не е само напивка, туку и симбол на нашето гостопримство, заедништво и пријателство“, се вели во соопштението.
Исто така, кајтаз-бурекот (Kaytaz böreği) и лахмаџунот од Газиантеп се сертифицирани во ЕУ за заштитено географско потекло.
Слични новости
Евросонгот во Виена под закана со недостиг од буџет откако четири земји се повлекоа
Натпреварот за песна на Евровизија се соочува со потенцијален недостиг на буџет откако Шпанија, Холандија, Ирска и Словенија се повлекоа од натпреварот поради одлуката на Израел да учествува на следната година
Netflix ги купува филмските и ТВ-студија на Warner Bros
Стриминг гигантот „Netflix“ објави во петокот дека постигнал договор со„ Warner Bros. Discovery“ за купување на филмски и телевизиските студија, вклучувајќи ја и платформата HBO Max
Откриена галаксија слична на Млечниот пат стара 12 милијарди години
Индиските астрономи открија масивна галаксија слична на Млечниот пат која е стара околу 12 милијарди години, пренесе Би Би Си. Таа е голема колку една третина од млечниот пат и содржи околу 10 милијарди ѕвезди