Три нови обвинувања за сексуален напад против Оскаровецот Кевин Спејси

Посрамениот актер Кевин Спејси се соочува со три нови обвинувања за сексуален напад пред судот во Лондон следната година. Би Би Си објави дека обвинувањата се поднесени од тројца различни мажи, а сеуште не е јасно дали трите случаи ќе бидат во еден судски процес или три одделни. Судијата во Лондон го определи 12 октомври 2026 за почеток на судскиот процес.

Оскаровецот формално ги демантираше обвинувањата за две од трите обвинувања, а сеуште не поднел документи за одбрана за третиот случај.

Кевин Спејси претходно соопшти дека поради обвинувањата неговата кариера е пропадната, како и дека е финансиски уништен и морал да ја продаде својата куќа во Филаделфија и дека размислува да прогласи личен банкрот.