По две години масовни студентски и граѓански протести во Србија вчера беа одржани парламентарни избори на кои убедливо победи „Студентската листа-Студентите победуваат“. Александар Вучиќ го призна поразот, а ширум земјата граѓаните излегоа на улиците да ја прославуваат победата на Студентската листа.
Според сеуште неофицијалните резултати „Студентската листа“ освои 140 мандати во парламентот со 250 седишта и има комотно мнозинство за формирање на влада. Напредњаците на Вучиќ ќе имаат 103 пратеници, а во парламентот ќе бидат симболично застапени и партии на малцинствата: Унгарците, Бошњаците и Албанците.
Илјадници луѓе останаа на централните улици на Белград доца по полноќ, прославувајќи ја победата на студентите и падот на режимот на Александар Вучиќ по 14 години владеење.
Полицијата која беше распоредена во текот на денот по објавувањето на резултатите се повлече, а славјето помина без ниту еден инцидент.
Студентите го откорнаа и „Чациленд“ просторот со шаторите на приврзаниците на Вучиќ, кој беше симбол на политичка манипулација наспроти автентичната волја на студентите и граѓаните.
Изборниот ден мина во безмалку референдумска атмосфера со огромна излезност на граѓаните на гласачките места уште од раните утрински часови, а таков амбиент имаше и кај српската дијаспора, особено кај младите, кои трпеливо чекаа со часови да гласаат во српските дипломатски претставништва во странство.
Слични новости
Саудиска Арабија ја одби воената помош на Израел против Хутите и покрај зачестените напади врз нејзина територија
Бенјамин Нетанјаху настојувал со помош на САД, да добие согласност од Саудиска Арабија за директно воено ангажирање на Израел во Јемен, но официјален Ријад ја одби понудата бидејќи смета дека воената соработка со Израел би можела да предизвика силно незадоволство на саудиската јавност.
Доналд Трамп сака и трет мандат: Би сакал уште четири години во Белата куќа
Амандманот 22 на американскиот Устав, ратификуван во 1951, изрично пропишува дена ниту една личност не може да биде избрана на функцијата претседател повеќе од два пати, а ова е втор мандат на Трамп.
Нови напади со дронови врз бродови во Црното море, Бугарија бара помош од НАТО
Радев наведе дека е свикана вонредна седница на Советот за безбедност во Бугарија на која се добиени информации за нови напади врз бродови во Црното море. Еден брод е погоден на 17 наутички милји источно од Крапец, кој потонал, а спасен е само еден член на екипажот.