По две години масовни студентски и граѓански протести во Србија вчера беа одржани парламентарни избори на кои убедливо победи „Студентската листа-Студентите победуваат“. Александар Вучиќ го призна поразот, а ширум земјата граѓаните излегоа на улиците да ја прославуваат победата на Студентската листа.
Според сеуште неофицијалните резултати „Студентската листа“ освои 140 мандати во парламентот со 250 седишта и има комотно мнозинство за формирање на влада. Напредњаците на Вучиќ ќе имаат 103 пратеници, а во парламентот ќе бидат симболично застапени и партии на малцинствата: Унгарците, Бошњаците и Албанците.
Илјадници луѓе останаа на централните улици на Белград доца по полноќ, прославувајќи ја победата на студентите и падот на режимот на Александар Вучиќ по 14 години владеење.
Полицијата која беше распоредена во текот на денот по објавувањето на резултатите се повлече, а славјето помина без ниту еден инцидент.
Студентите го откорнаа и „Чациленд“ просторот со шаторите на приврзаниците на Вучиќ, кој беше симбол на политичка манипулација наспроти автентичната волја на студентите и граѓаните.
Изборниот ден мина во безмалку референдумска атмосфера со огромна излезност на граѓаните на гласачките места уште од раните утрински часови, а таков амбиент имаше и кај српската дијаспора, особено кај младите, кои трпеливо чекаа со часови да гласаат во српските дипломатски претставништва во странство.
Слични новости
Виткоф: Постигнат значаен напредок во преговорите за Украина
Витков наведе дека разговорите на американската делегација во Киев биле одржани во две рунди. Во втората рунда разговори на преговарачите им се придружиле советниците за национална безбедност на Британија, Франција и Германија, за да бидат усогласени наредните заеднички активности.
Мицотакис најави четворогодишен план на даночни олеснувања
Мицотакис најави намалување на даноците за земјоделците, самовработените, пензионерите и вработените во јавниот сектoр, како и постепено зголемување на минималната плата на 1.000 евра до 2028 година.
Ескалација во Персискиот залив: Иран порачува дека преговорите веќе не се опција
Иран е во „егзистенцијална војна со Америка“ изјави портпаролот на Одборот за национална безбедност на иранскиот парламент Хасан Гашгави и потврди дека Техеран ги гаѓал американските воени бродови со балистички ракети.