По две години масовни студентски и граѓански протести во Србија вчера беа одржани парламентарни избори на кои убедливо победи „Студентската листа-Студентите победуваат“. Александар Вучиќ го призна поразот, а ширум земјата граѓаните излегоа на улиците да ја прославуваат победата на Студентската листа.
Според сеуште неофицијалните резултати „Студентската листа“ освои 140 мандати во парламентот со 250 седишта и има комотно мнозинство за формирање на влада. Напредњаците на Вучиќ ќе имаат 103 пратеници, а во парламентот ќе бидат симболично застапени и партии на малцинствата: Унгарците, Бошњаците и Албанците.
Илјадници луѓе останаа на централните улици на Белград доца по полноќ, прославувајќи ја победата на студентите и падот на режимот на Александар Вучиќ по 14 години владеење.
Полицијата која беше распоредена во текот на денот по објавувањето на резултатите се повлече, а славјето помина без ниту еден инцидент.
Студентите го откорнаа и „Чациленд“ просторот со шаторите на приврзаниците на Вучиќ, кој беше симбол на политичка манипулација наспроти автентичната волја на студентите и граѓаните.
Изборниот ден мина во безмалку референдумска атмосфера со огромна излезност на граѓаните на гласачките места уште од раните утрински часови, а таков амбиент имаше и кај српската дијаспора, особено кај младите, кои трпеливо чекаа со часови да гласаат во српските дипломатски претставништва во странство.
Слични новости
Рекордна излезност на вонредните избори во Србија каде што Студентската листа се надева да го собори од власт СНС и Вучиќ по 14 години
Уште од отворањето на избирачките места во 07 00 часот огромни колони луѓе чекаат да го искористат своето право на глас, а одзивот е рекорден. Според податоците на ЦРТА одзивот на изборите во Србија до 10 часот изнесува 19,8 насто, што е двојно повеќе од изборите во 2023.
Поддршката за Доналд Трамп на историски најниско ниво
Американските гласачи му даваат поддршка на претседателот Доналд Трамп од само 31 насто, што е историски најниско ниво на поддршка, покажа последната анкета на Ројтерс и Ипсос.
150 илјади луѓе присуствуваа на завршниот митинг на студентите, од денеска почна изборнот молк во Србија
„Студентска листа – Студентите победуваат“ има цел во недела на парламентарните избори да стави крај на владеењето на деснопопулистичката Српска напредна партија (СНС) на Вучиќ, кое трае повеќе од 14 години.