По две години масовни студентски и граѓански протести во Србија вчера беа одржани парламентарни избори на кои убедливо победи „Студентската листа-Студентите победуваат“. Александар Вучиќ го призна поразот, а ширум земјата граѓаните излегоа на улиците да ја прославуваат победата на Студентската листа.
Според сеуште неофицијалните резултати „Студентската листа“ освои 140 мандати во парламентот со 250 седишта и има комотно мнозинство за формирање на влада. Напредњаците на Вучиќ ќе имаат 103 пратеници, а во парламентот ќе бидат симболично застапени и партии на малцинствата: Унгарците, Бошњаците и Албанците.
Илјадници луѓе останаа на централните улици на Белград доца по полноќ, прославувајќи ја победата на студентите и падот на режимот на Александар Вучиќ по 14 години владеење.
Полицијата која беше распоредена во текот на денот по објавувањето на резултатите се повлече, а славјето помина без ниту еден инцидент.
Студентите го откорнаа и „Чациленд“ просторот со шаторите на приврзаниците на Вучиќ, кој беше симбол на политичка манипулација наспроти автентичната волја на студентите и граѓаните.
Изборниот ден мина во безмалку референдумска атмосфера со огромна излезност на граѓаните на гласачките места уште од раните утрински часови, а таков амбиент имаше и кај српската дијаспора, особено кај младите, кои трпеливо чекаа со часови да гласаат во српските дипломатски претставништва во странство.
Слични новости
Милорад Додик прогласи победа на сите нивоа и им се заблагодари на Трамп и на Путин
Неочекувано висок резултат и за самата партија заедно со коалиционите партнери ќе имаме две третини во парламентот на Република Српска. Овој резултата е сличен на овој од пред 20 години, рече Додик по пребројувањето на гласовите.
Трамп: Гласањето во САД е корумпирано
Американскиот претседател, Доналд Трамп, изјави дека гласањето во САД е корумпирано, особено кога брзината на утврдување на резултатите се споредува со Бразил.
Иран им се закани на земјите од Персискиот залив кои планираат да им отстапат територија на САД за напади врз Иран
На секоја нова агресија на САД и на ционистичкиот режим ако териториите на соседните земји бидат искористени, ќе одговориме на поинаков начин отколку досега„ се закани официјален Техеран.