По две години масовни студентски и граѓански протести во Србија вчера беа одржани парламентарни избори на кои убедливо победи „Студентската листа-Студентите победуваат“. Александар Вучиќ го призна поразот, а ширум земјата граѓаните излегоа на улиците да ја прославуваат победата на Студентската листа.
Според сеуште неофицијалните резултати „Студентската листа“ освои 140 мандати во парламентот со 250 седишта и има комотно мнозинство за формирање на влада. Напредњаците на Вучиќ ќе имаат 103 пратеници, а во парламентот ќе бидат симболично застапени и партии на малцинствата: Унгарците, Бошњаците и Албанците.
Илјадници луѓе останаа на централните улици на Белград доца по полноќ, прославувајќи ја победата на студентите и падот на режимот на Александар Вучиќ по 14 години владеење.
Полицијата која беше распоредена во текот на денот по објавувањето на резултатите се повлече, а славјето помина без ниту еден инцидент.
Студентите го откорнаа и „Чациленд“ просторот со шаторите на приврзаниците на Вучиќ, кој беше симбол на политичка манипулација наспроти автентичната волја на студентите и граѓаните.
Изборниот ден мина во безмалку референдумска атмосфера со огромна излезност на граѓаните на гласачките места уште од раните утрински часови, а таков амбиент имаше и кај српската дијаспора, особено кај младите, кои трпеливо чекаа со часови да гласаат во српските дипломатски претставништва во странство.
Слични новости
По средбата Муцунски -Петрова во Софија нема приближување на ставовите меѓу Софија и Скопје
Билатералните односи меѓу Македонија и Бугарија не се поместуваат и покрај средбата на министрите за надворешни работи на двете земји во Софија на иницијатива на претседателката на Европската комисија Урсула фон дер Лајен.
САД: Дозволата за работа странските студенти би можела да ги чини 70.000 долари, наместо досегашните 500
Мерката е дел од пошироката кампања на претседателот Доналд Трамп насочена кон странците со работни визи. Се очекува мерката на американската влада, како и сите други контроверзни мерки досега да биде оспорена на суд.
Иранците погодија танкер со повеќе ракетни проектили северно од Катар
Потврдено е дека танкерот бил погоден со повеќе проектили, а пријавено е и дека има голем број на повредени. Властите на Катар покренаа истрага за нападот во нивните територијални води.