Трилерот „По ловот“ на Лука Гвадањино со Џулија Робертс ќе има премиера во сезоната пред наградите

Филмот „По ловот“ на Амазон МГМ студиото ќе ја има премиерата на 10 октомври во САД, а на 17 октомври ширум светот, пред почетокот на сезоната на промоција на филмови за главните филмски награди меѓу кои и Оскарите.

Кастот во овој  трилер го предводи Џулија Робертс, а во филмот играат и Ендрју Гарфилд, Ајо Едебири, Мајкл Сталберг и Клое Севињи.

Сценаристка на филмот е Нора Гарет, а продуценти се Брајан Грејзер, Џеб Броди и Алан Манделбаум.

Ова е втор филм на режисерот Лука Гвадањино за студиот Амазон МГМ по премиерата на неговиот филм „Предизвикувачи“ минатата година во кој главната улога ја толкуваше Зендеја.