Шаи Гилџеус-Александер и Чет Холмгрен ги предводеа Оклахома Сити Тандер до победа од 117:100 над Хокс во Атланта, овозможувајќи им на актуелните шампиони на НБА лигата совршен почеток од 3-0 на сезоната.
Холмгрен постигна 31 поен и имаше 12 скока, додека Гилџеус-Александер, накорисниот играч (МВП) и водечки стрелец минатата сезона, впиша 30 поени, пет асистенции и четири скока.
Во Филаделфија, Тајрис Макси постигна 28 поени, девет асистенции и шест скока и ги предводеше домаќините до победа од 125:121 над Шарлот Хорнетс по драматична завршница. Џоел Ембиид додаде 20 поени, а Ламело Бол го предводеше Шарлот со 27 поени, девет скока и осум асистенции. Хорнетс имаат 11 последователни порази од 76ерс од декември 2022 година.
Џош Гиди од Чикаго Булс имаше 21 поен и осум скока во победата на гостински терен над Орландо Меџик од 110:98. Паоло Банлеро имаше 24 поени и 10 скока за Меџик.
Седрик Кауард ги погоди сите шест тројки, и иако влезе од клупата, тој постигна најмногу поени на натпреварот од 27, што ги предводеше Мемфис Гризлис до победа од 128:103 над Индијана Пејсерс.
Џамал Мареј постигна 23 поени, а трикратниот најкорисен играч на НБА, Никола Јокиќ, имаше трипл-дабл со 14 поени, 14 скока и 15 асистенции во победата на Денвер Нагетс над Феникс од 133:111.
Слични новости
Харден десетти најдобар стрелец во НБА
Џејмс Харден се проби меѓу десетте најдобри стрелци на сите времиња во НБА лигата, но неговите 34 поени не беа доволни синоќа да ги одведат неговите Лос Анџелес Клиперс до победа
ПСЖ ја прекина победничката серија на Рен
Европскиот и француски првак Пари Сен Жермен во саботата вечер на домашен терен лесно го победи Рен со 5:0 во рамките на 15-то коло од француската Лига 1
Интер Мајами првпат ја освои МЛС
Фудбалерите на Интер Мајами, предводени од легендарниот Аргентинец, 38-годишниот Лионел Меси, ја освоија шампионската титула во МЛС првпат во својата историја откако како домаќини ги победија Ванкувер Вајткепс со 3:1 во финалето