Тренерот на Лион, Пауло Фонсека, е дисквалификуван на девет месеци поради физички напад на судија на натпреварот од 24. коло од француското првенство против Брест (2:1), објави прес-службата на лигата.
Педесет и двегодишниот португалски стручњак нема да може да раководи со својот тим од клупата за време на натпреварите до 30 ноември.
Исто така на Фонсека му е забрането да биде во соблекувалната на официјалните лица и да присуствува на официјални настани поврзани со фудбалски активности.
За време на натпреварот со Брест, кој се одигра на 2 март, тренерот на Лион имаше судир со судијата на натпреварот, Беноа Мило. Во 90+7 минута Фонсека беше исклучен од теренот поради расправија со судијата и агресивно однесување. Португалецот ја презеде функцијата менаџер на Лион на крајот на јануари 2025 година.
Слични новости
Ливерпул – ПСЖ вечерва е најинтересната пресметка за влез во четвртфиналето на Лигата на шампионите
Менаџерот на Ливерпул Арне Слот изјави дека неговиот тим вечерва треба да го изигра најдобриот натпревар во сезоната за Ливерпул да се најде во четвртфиналето на Лигата на шампионите
Убедлива победа на Денвер на гости кај Оклахома во дербито меѓу првиот и вториот тим на западот
Денвер постигна импресивни 140 поени против најдобрата одбрана во лигата предводен од Никола Јокиќ со 36 коша и 18 скокови
Бразилецот Едерсон веројатна ѕвезда на летниот преоден рок
Пеп Гвардиола веќе го потцрта неговото име во својот бележник, но нема да биде лесно да се оствари тој трансфер