Американскиот претседател Доналд Трамп во петокот ѝ се закани на Русија со обемни санкции и воведување царини додека не се постигне примирје и мировен договор со Украина.
Во објавата на неговата платформа Truth Social во петокот, денот кога Русија изврши воздушни напади врз енергетската мрежа на Украина, Трамп истакна дека Русија „ја напаѓа Украина на бојното поле“.
„Врз основа на фактот дека Русија во моментов ја ‘меле’ Украина на бојното поле, сериозно размислувам за големи банкарски санкции, санкции и царини за Русија додека не се постигне прекин на огнот и КОНЕЧНО МИРНО РЕШЕНИЕ, навеудва Трамп. „Русија и Украина, седнете на маса сега, пред да биде предоцна. Ви благодариме!!!“, порача американскиот претседател.
Критиките на Трамп за Москва доаѓаат во контекст на затегнатите односи меѓу Вашингтон и Киев по катастрофалната посета на украинскиот претседател Володимир Зеленски на Белата куќа минатата седмица. По нивниот судир пред јавноста, Трамп ја прекина воената помош и размената на разузнавачки информации со Киев за да изврши притисок врз Украина да прифати договор за прекин на огнот.
Трамп се соочи со критики за неговиот притисок врз Украина, вклучително и неговиот коментар минатиот месец дека Киев а не Русија, е одговорен за започнување на војната.
Заканата на Трамп за воведување санкции и царини кон Русија доаѓа неколку дена откако Reuters објави дека Белата куќа подготвува план за потенцијално олеснување на санкциите кон Русија како дел од напорите на администрацијата да стави крај на војната и да ги подобри дипломатските и економските односи со Москва.
Русија, еден од најголемите светски производители на нафта и гас, но и на ретки земји, метали и минерали, е предмет на санкции без преседан од САД и Европската унија и нивните партнери по нејзината инвазија на Украина во февруари 2022 година.
Американските санкции кон Русија вклучуваат мерки насочени кон ограничување на нејзините приходи од нафта и гас, вклучително и ограничување од 60 долари за барел за извоз на руска нафта. Поранешниот претседател Џо Бајден, исто така, ја прошири акцијата против Москва на 10 јануари, непосредно пред да ја напушти функцијата, за да ги вклучи руските енергетски компании и бродови што ја испорачуваа нејзината нафта, со дополнителни мерки.
Слични новости
Зеленски: Украина „целосно конструктивна“ во разговорите со американските претставници
Претседателот Володимир Зеленски рече дека позицијата на Украина на разговорите во Саудиска Арабија со американските претставници во вторник ќе биде „целосно конструктивна“ и дека се надева на практични исходи од преговорите за ставање крај на руската војна во неговата земја
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство