Роберт Ф Кенеди Џуниор кој го поддржа Трамп, а е син на убиениот Роберт Кенеди, тврди дека ЦИА е вмешана во атентатите врз неговиот татко и чичко. ЦИА ги отфрли неговите обвинувања како неосновани.
Претседателот на САД Доналд Трамп издаде нова извршна наредба со која повикува да се симне ознаката тајност на документите поврзани со трите најзначајни атентати во историјата на Америка: Убиството на Џон Ф Кенеди, убиството на неговиот брат Роберт Кенеди и убиството на Мартин Лутер Кинг.
„Ова е големо. Многумина на ова чекаа со години, со децении“ изјави Трамп додека ја потпишуваше уредбата во Белата куќа. Тој порача дека „се ќе биде откриено“.
Со години овие досијеа ги фасцинираа истражувачите, репортерите, теоретичарите на заговори и политичарите, вклучувајќи го и самиот Трамп.
Американскиот Конгрес во 1992 донесе закон кој наложува досијеата поврзани со убиството на Џон Кенеди да бидат објавени за 25 години, освен ако претседателот не процени дека штетата за националната безбедност е поголма од интересот на јавноста за укинувањена ознаката тајност.
Многу од документите за убистото на Кенеди од 1963 веќе се објавени, но уште 4.7000 документи и списи се целосно или делумно чувани во тајност.
Во наредбата Трамп не објасни кои документи ќе и бидат достапни на јавноста, нити вети целосно укинување на ознаката тајност. Мартин Лутер Кинг и Роберт Кенеди беа убиени во 1968. Рокот за откривање на убиството на Џон Кенеди е 15 дена по наредбата, а на Роберт Кенеди и Мартин Лутер Кенеди е 45 дена.
Роберт Ф Кенеди Џуниор кој го поддржа Трамп а е син на убиениот Роберт Кенеди, и тврди дека ЦИА е вмешана во атентатите врз неговиот татко и чичко. ЦИА ги отфрли неговите обвинувања како неосновани. Мартин Лутер Кинг го уби Џејмс Ерл Реј, приврзаник на сегрегацијата, но семејството на Лутер Кинг тврди дека тој не делувал самостојно.
Трамп за досијеата во извршаната наредба наведува дека „утврдил дека нивното стално ревидирање и ускратувањето информации од записите за убиството на претседателот Џон Кенеди се спротивни од интересот на јавноста, како и дека овие списи одамна треебало да бидат објавени“.
Американскиот претседател додаде дека решил да се објават сите записи и за убиството на сенаторот Роберт кенеди и доктор Мартин Лутер Кинг, кои исто така се во интерес на јавноста.
Во рок од 15 дена од оваа уредба, директорот на националната разузнавачка служба и државниот обвинител, во координација со помошникот на претседателот за национална безбедност и советникот на претседателот, ќе претстават план до Трамп за целосно објавување на списите врзани за убиството на Џон Фицџералд Кенеди.
Слични новости
Заканите врз студентите во Србија се медиумски спин за разбивање на сопствениот страв
Бунтот на студентите стана дел од поширок контекст. И додека Вучиќ во петокот одржа контрамитинг на своите приврзаници во Јагодина, бунтот на студентите се прошири и врз средните училишта, земјоделците, адвокатите и другите професии.
Старгејт новиот проект на Трамп за вештачка интелигенција вреден 500 милијарди долари
Нарекувајќи го проектот „ далеку најголем“ за развој на вештачката интелигенција во човековата историја, Трамп рече дека заедничкото вложување под името Старгејт ќе изгради центри за податоци и ќе отвори повеќе од 100.0000 работни места во САД.
И американскиот бизнисмен Френк Меккорт сака да го купи TikTok
Американскиот бизнисмен Френк Меккорт е отворен за здружување со други купувачи во обид да ги преземе американските операции на кинеската TikTok, договор кој се проценува на 20 милијарди долари