Трамп ја поздрави одлуката на ОАЕ за излез од ОПЕК

Американскиот претседател Доналд Трамп ја поздрави одлуката на Обединетите Арапски Емирати да ја напушти ОПЕК, оценувајќи дека тоа може да помогне во намалување на цените на нафтата и горивата.

Тој изјави дека потегот би можел да го стабилизира нестабилниот пазар, кој е под притисок поради конфликтот со Иран.

Во однос на ситуацијата со Иран, Трамп ја бранеше американската блокада, нарекувајќи ја „генијална“ и „целосно сигурна“, додавајќи дека ќе продолжи сè додека Техеран не се откаже од нуклеарни амбиции.

Според него, разговорите продолжуваат телефонски, но договор ќе има само ако Иран прифати целосно откажување од нуклеарно оружје.