Американскиот претседател Доналд Трамп најави нова, многу поостра фаза на економски притисок врз Иран која ја нарече „економски ден Д“, предупредувајќи дека ќе се соочат со сериозни последици сите држави, банки и компании кои ќе продолжат да одржуваат финансиски врски со Иран.
Трамп наведе дека Вашингтон тргнува во „најразурнувачката економска операција која било кога е спроведена против било која земја“, откако Иран не постигна договор со САД. Американските медиуми известуваат дека станува збор за нов степен на кампања чија цел е целосна економска изолација на Иран.
Најавените мерки Трамп ги опиша како економска војна и порача дека нивната цел е изолација на Иран во невидени размери.
Особено предупредување Трамп им упати на земјите кои му пружаат финансиска или трговска помош на Иран и предупреди дека тие ќе се соочат со огромни економски последици.
Новата камапања се надоврзува на постоечката американска операција „Економски бес“ насочена против иранските финансиски, нафтени и транспортни мрежи.
Според податоците на американското министерство за финансии од февруари 2025 Канцеларијата за контрола врз странскиот имот воведе санкции на повеќе од 1000 поединци, бродови и летала поврзани со Иран.
Слични новости
Старбакс демантираше дека планира да го купи ланецот мексикански ресторани Чипотле
Со тоа Старбакс ги оконча шпекулациите за можно преземање на ланецот ресторани кое можеше да биде најголемата аквизција во историјата на ресторанската индустрија, пренесува Ројтерс.
ММФ: Светската економија ќе порасне за 3,1 насто во 2026 и за 3,4 насто во 2027
Светскиот економски раст по порастот од 3,5 насто во 20205, најпрвин ќе забави на 3,1 насто во 2026, а потоа ќе забрза на 3,4 насто во 2027, се наведува во денеска објавените Светски економски изгледи на Меѓународниот монетарен фонд.
Цените на нафтата пораснаа за нови 2 насто, по ескалацијата во Саудиска Арабија
Северноморската нафта Брент надмина 107 долари за барел, достигнувајќи го најскапото ниво за повеќе од две недели, додека американската сирова нафта ВТИ поскапе на 93,9 долари за барел, пренесе Трејдинг економикс.