Трамп ја доби Наградата за мир на ФИФА

„Наградата за мир на ФИФА се доделува секоја година на исклучителна личност која е посветена на промовирање на мирот низ целиот свет преку својата непоколеблива акцтовност. Како и сите овде во просторијата, гледаме слики од војна низ целиот свет, како и сите други, страдаме за секое дете што умира и плачеме со секоја мајка што губи некого што го сака“, рече Инфантино.

„Сакаме да живееме во безбеден свет. Дефинитивно ја заслужувате првата награда за мир на ФИФА, која ја освоивте на свој начин. Секогаш можете да сметате на мојата поддршка и на поддршката од фудбалската заедница“, додаде Инфантино.

„Ова е навистина една од најголемите почести во мојот живот. Спасивме милиони животи. Конго беше пример. Повеќе од десет милиони луѓе беа убиени, а уште десет милиони ќе беа убиени. Индија и Пакистан… толку многу различни војни што можевме да ги завршиме, а во некои случаи и пред да започнат.. Ви благодарам за оваа чест, светот сега е помирно место“, рече Трамп.

Американскиот претседател им се заблагодари на Канада и Мексико за нивното пријателство и заедничката организација на мундијалот наредното лето, додавајќи дека ќе создадат „настан каков што светот никогаш не видел“.

Шефот на кровната организацијата на фудбалот неодамна изјави дека има одличен однос со Трамп. „Имам одличен однос со претседателот Трамп, кого го сметам за многу близок пријател“, рече Инфантино.

„Секако, тој беше од голема помош во сè што правиме за Светското првенство. Има неверојатна енергија и навистина го ценам тоа. Тој дејствува. И го прави она што го кажува. Зборува она што го мисли. Всушност, тој го кажува она што многу луѓе го мислат, но можеби не се осмелуваат да го кажат“, додаде првиот човек на светскиот фудбал.