Американскиот претседател Доналд Трамп изјави во неделата дека Украина не покажала никаква благодарност за американските напори за завршување на војната со Русија, па дури и додека американското оружје продолжува да се испорачува на Киев, како и дека Европа продолжува да купува руска нафта.
„Украинските претставници не покажаа никаква благодарност за нашите напори, а Европа продолжува да купува нафта од Русија“, напиша тој со големи букви на својата мрежа Truth Social, додавајќи дека САД продолжува да продава големи количества оружје на НАТО за потребите на Украина.
Американски, украински и европски претставници разговараа за нацрт-планот на Вашингтон за завршување на украинската војна во Женева во неделата.
Трамп го нападна и својот претходник, Џо Бајден, кого го обвини за неактивност на почетокот на конфликтот.
„Наследив војна којашто никогаш не требаше да се сличи, загуба за сите“, напиша претседателот на својата социјална мрежа.
Додаде дека „расипаниот Џо сето тоа го подели, бесплатно, бесплатно, бесплатно, вклучително и големи суми пари!”.
Американскиот државен секетар Марко Рубио подоцна во неделата во швајцарска Женева би требало да се состане со украинската делегација во настојувањата Киев да се согласи на американскиот план, според кој ќе ја предаде територијата којашто и не ја контролира уште од 2014 година, ќе се откаже од одржување голема армија на сметка на западната помош и од амбициите за придружување во НАТО во замена за безбедносни гаранци од САД.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков