САД постигнаа договор со Венецуела со кој ќе добијат контрола врз повеќе од 65 милијарди барели од нејзините докажани резерви на нафта, објави претседателот Доналд Трамп.
„Оваа историска трансакција овеќе од двојно ги зголемува американските резерви на нафта, значително го зголемува нашето снабдување со нафта и ќе ги намали цените на бензинот за сите Американци“, напиша Трамп на социјалните мрежи.
Привремената претседателка на Венецуела, Делси Родригез, го поздрави договорот, оценувајќи дека тој ќе помогне во економското закрепнување на земјата. Таа во во соопштение изјави дека договорот ќе има „значително влијание врз обновувањето на нашата нација“.
Трамп вети дека ќе ги искористи резервите на Венецуела, кои се најголеми во светот, откако САД го заробија тогашниот претседател Николас Мадуро оваа година. Но, шефот на американската држава, беше под притисок да ги намали домашните цени на горивото, кои нагло пораснаа за време на конфликтот со Иран.
Државниот секретар Марко Рубио го нарече договорот „голема победа и за американскиот и за венецуелскиот народ“.„За венецуелскиот народ, овој договор ќе донесе речиси 100 милијарди долари приватни инвестиции, ќе поддржи илјадници добро платени работни места и ќе придонесе за обновата на венецуелската економија“, тврди Рубио.
Слични новости
Повеќе од 60 полицајци повредени во напад на противниците на брзата пруга Торино-Лион
Најголемите судири се случија на градилиштето на пругата во Кјомонте. Таму биле извршени повеќе едновремени напади, поради што италијанските медиуми оценуваат дека станува збор за однапред подготвена и координирана акција. По повеќе обиди маскираната група го пробила полицискиот кордон и упадна во просторот пред железничкио тунел.
ЕУ усвои нов пакет на санкции против Русија
Земјите на Европската унија постигнаа договор за сеопфатен пакет на санкции против Русија, соопштија дипломатски извори во ЕУ. Станува збор за 21-ви пакет санкции што ЕУ го усовојува против Русија од почетокот на војната со Украина.
Европската комисија го казни Гугл со 890 милиони евра
Европската комисија денеска и изрече две кази на американската технолошка компанија „Гугл“ во вкупен износ од 890 милиони евра поради кршење на Законот за дигитални пазари, откако утврди дека американскиот технолошки гигант ја злоупотребил својата доминантна позиција на сопствениот интернет пребарувач.