Примирјето меѓу САД и Иран останува во сила, изјави американскиот претседател, Доналд Трамп и покрај инцидентите во водите на Ормускиот теснец, за кои Техеран и Вашингтон имаат различни верзии.
Американската војска соопшти дека нејзините поморски сили биле нападнати со ирански ракети, дронови и брзи чамци во теснецот и тие возвратиле со елиминирање на заканите и напади врз „иранските воени објекти одговорни за нападите врз американските сили“.
Трамп рече дека се обиделе да ги испровоцираат, Американците жестоко возвратиле, но договорот за прекин на огнот и натаму останува во сила.
„Јас тоа го нарекувам ситница. Ќе ви кажам кога нема да има прекин на огнот. Ако нема прекин на огнот, нема да треба ни да знаете. Само ќе видите еден голем сјај што ќе доаѓа од Иран. И подобро е брзо да го потпишат договорот“ – изјави претседателот Трамп.
Според иранската страна, американските сили нападнале ирански нафтен танкер во крајбрежните води и уште еден брод во близина на пристаништето Фуџеира во ОАЕ, а американските проектили бомбардирале и цивилни региони во јужен Иран.
Ескалацијата доаѓа само еден ден откако иранското Министерство за надворешни работи соопшти дека го разгледува американскиот предлог за завршување на војната.
Слични новости
Следната рунда преговори меѓу Украина и Русија во Абу Даби
Украинскиот претседател Володијмир Зеленски изјави дека следната рунда преговори со Русија „најверојатно“ ќе се одржи во Абу Даби на почетокот на март.
Пакистан го бомбардираше Аввганистан и соопшти дека двете земји се во отворена војна
Пакистан бомбардираше талибански владини цели во големите градови во Авганистан, потврдија официјални лица од двете земји, при што пакистанскиот министер за одбрана Хаваја Мухамад Асиф го опиша конфликтот како отворена војна.
Холандија доби нова малцинска влада
Новата малцинска влада на Холандија на чело со мандатарот Роб Јетен денеска треба да положи заклетва.