Примирјето меѓу САД и Иран останува во сила, изјави американскиот претседател, Доналд Трамп и покрај инцидентите во водите на Ормускиот теснец, за кои Техеран и Вашингтон имаат различни верзии.
Американската војска соопшти дека нејзините поморски сили биле нападнати со ирански ракети, дронови и брзи чамци во теснецот и тие возвратиле со елиминирање на заканите и напади врз „иранските воени објекти одговорни за нападите врз американските сили“.
Трамп рече дека се обиделе да ги испровоцираат, Американците жестоко возвратиле, но договорот за прекин на огнот и натаму останува во сила.
„Јас тоа го нарекувам ситница. Ќе ви кажам кога нема да има прекин на огнот. Ако нема прекин на огнот, нема да треба ни да знаете. Само ќе видите еден голем сјај што ќе доаѓа од Иран. И подобро е брзо да го потпишат договорот“ – изјави претседателот Трамп.
Според иранската страна, американските сили нападнале ирански нафтен танкер во крајбрежните води и уште еден брод во близина на пристаништето Фуџеира во ОАЕ, а американските проектили бомбардирале и цивилни региони во јужен Иран.
Ескалацијата доаѓа само еден ден откако иранското Министерство за надворешни работи соопшти дека го разгледува американскиот предлог за завршување на војната.
Слични новости
Иранските сили ја предупредија американската морнарица да не влегува во Ормутскиот теснец
Иранските воени сили денеска ја предупредија американската морнарица да не влегува во Ормутскиот теснец, откако САД најавија дека денеска ќе започнат акција на ослободување на бродовите кои се заглавени во Ормутскиот теснец.
Америка денеска почнува со извлекување на бродовите од Ормутскиот теснец
Претседателот на САД Доналд Трамп изјави дека САД ќе покренат операција за безбедно извлекување на бродовите од Ормутскиот теснец. На својата мрежа „Трут соушал“ Трамп наведе дека станува збор за хуманитарна иницајатива за земјите кои не се вклучени во конфликтот на Блискиот исток.
Одеса најтешко погодена во ноќен руски напад со над 200 дронови
Русија изврши нов масовен воздушен напад врз Украина со еден балистички проектил и 206 беспилотни летала, при што најтешко беше погодена Одеса, каде што најмалку 18 лица се повредени