Примирјето меѓу САД и Иран останува во сила, изјави американскиот претседател, Доналд Трамп и покрај инцидентите во водите на Ормускиот теснец, за кои Техеран и Вашингтон имаат различни верзии.
Американската војска соопшти дека нејзините поморски сили биле нападнати со ирански ракети, дронови и брзи чамци во теснецот и тие возвратиле со елиминирање на заканите и напади врз „иранските воени објекти одговорни за нападите врз американските сили“.
Трамп рече дека се обиделе да ги испровоцираат, Американците жестоко возвратиле, но договорот за прекин на огнот и натаму останува во сила.
„Јас тоа го нарекувам ситница. Ќе ви кажам кога нема да има прекин на огнот. Ако нема прекин на огнот, нема да треба ни да знаете. Само ќе видите еден голем сјај што ќе доаѓа од Иран. И подобро е брзо да го потпишат договорот“ – изјави претседателот Трамп.
Според иранската страна, американските сили нападнале ирански нафтен танкер во крајбрежните води и уште еден брод во близина на пристаништето Фуџеира во ОАЕ, а американските проектили бомбардирале и цивилни региони во јужен Иран.
Ескалацијата доаѓа само еден ден откако иранското Министерство за надворешни работи соопшти дека го разгледува американскиот предлог за завршување на војната.
Слични новости
Четири убиени лица, 20 повредени – ново пукање во училиште во Турција
Четири лица загинаа, а 20 се повредени кога средношколец денеска отвори оган во училиште во југоисточната турска провинција, Караманмарас
По изборите во Унгарија Словачка блокира 90 милијарди евра за Киев
Братислава би можела да ја преземе улогата на главен противник на новиот финансиски пакет на Европската унија за Украина, по политичките промени во...
Либан во преговори со Израел за запирање на војната
Аналитичарите оценуваат дека либанската влада „нема што да понуди“ во преговорите, бидејќи не може да гарантира клучен услов – разоружување на Хезболах.