Американскиот претседате Доналд Трамп, изјави дека има помала доверба дека Иран ќе се согласи да го прекине збогатувањето на ураниум како дел од нуклеарниот договор со Вашингтон, според интервју објавено во среда.
„Не знам“, рече Трамп во понеделник во подкастот „Pod Force One“ кога беше прашан дали мисли дека ќе може да го убеди Иран да ја суспендира својата нуклеарна програма. „Не знам. Мислев дека ќе знам, но верувам во тоа сè помалку и помалку.“
Трамп сака да преговара за нов нуклеарен договор со Иран за ограничување на збогатувањето на ураниум и се закани дека ќе го бомбардира ако не постигнат договор.
Трамп им рече на новинарите во Белата куќа во понеделник дека разговарал за Иран со израелскиот премиер Бенјамин Нетанјаху и дека преговорите со Иранците се „тешки“.
Во подкастот, Трамп рече дека се чини дека Иранците одолговлекуваат.
„Сега имам помалку доверба отколку пред неколку месеци. Нешто им се случи, но многу помалку сум убеден дека ќе се постигне договор“, рече американскиот претседател.
Трамп повтори дека Вашингтон нема да му дозволи на Техеран да развива нуклеарни бомби без разлика дали ќе постигнат договор или не.
„Но, би било подобро да се постигне тоа без војна, без умирање, тоа е многу подобро. Но, не мислам дека гледам ист ентузијазам за договор од нивна страна“, додаде Трамп.
Иран тврди дека нема планови за развој на нуклеарно оружје и е заинтересиран само за производство на нуклеарна енергија и други мирни проекти.
Русија во средата објави дека е подготвена да го отстрани високо збогатениот ураниум од Иран и да го претвори во гориво за цивилен реактор со цел САД и Иран да ги приближат ставовите, бидејќи една од опциите на Вашингтон е Техеран да го збогатува ураниумот до прифатливо ниво од 3,67 отсто чистота контролирано и во странство.
Слични новости
Кац: Иран ги премина црвените линии со напади врз цивилни центри во Израел
Ќе продолжиме да ги браниме граѓаните на Израел и ќе обезбедиме режимот на Ајатолахот да плати многу висока цена за своите гнасни постапки, ја пренесуваат израелските медиуми изјавата на министерот Кац
Во иранските напади убиени тројца, а ранети 80 Израелци, Техеран и Ерусалим најавуваат продолжување на војната
Официјален Ерусалим соопшти дека во синоќешните два брана напади од Иран врз Израел со околу 150 балистички ракети биле убиени тројца луѓе, а 80 се ранети. Неколкумина од ранетите се во тешка состојба, соопштија израелските власти
Израелската војска соопшти дека нападите врз Иран само што почнаа
Израелската војска соопшти дека нејзините воздухопловни сили продолжуваат да го напаѓаат Иран и дека операцијата тукушто започна. Израел ноќеска отпочна напад врз Иран, наведувајќи дека се гаѓани нуклеарни објекти, фабрики за балистички проектили, воени команданти и физичари, чија цел е да се спречи Техеран да развие нуклеарно вооружување.