Планот на американскиот претседател Доналд Трамп за мир во Украина вклучува предлози за враќање на руските енергетски текови во Европа, големи американски инвестиции во руски ретки минерали и енергија и користење на замрзнати руски државни средства, објави весникот The Wall Street Journal.
Весникот наведува дека предлозите се детално опишани во додатоците на мировниот план предаден на европските колеги последните седмици.
Тие вклучуваат план американските финансиски компани и други бизниси да користат 200 милијарди долари замрзнати руски државни средства за проекти во Украина, вклучувајќи го и големиот нов центар за податоци напојуван од нуклеарната централа Запорожје, која сега е под контрола на руските сили, објави весникот.
Американските компании би инвестирале во руски стратешки сектори како што се рударството на ретки метали и дупчењето на нафта во Арктикот, додека руските енергетски текови кон Западна Европа и светот би биле обновени, додава WSJ.
Весникот објави дека неидентификуван европски функционер ги споредил предложените енергетски договори меѓу САД и Русија со економска верзија на Конференцијата на Јалта од 1945 година. На тој состанок, победниците од Втората светска војна – Советскиот сојуз, САД и Велика Британија – ги поделија своите сфери на интерес во Европа.
Слични новости
Зеленски вели дека Кина работи на интензивирање на соработката со Русија
Украинскиот претседател Володимир Зеленски изјави во среда, по извештајот на шефот на службата за надворешно разузнавање на Киев, дека Русија и Кина преземаат чекори за интензивирање на соработката
САД запленија танкер близу брегот на Венецуела
Соединетите држави запленија нафтен танкер крај брегот на Венецуела, изјави во средата американскиот претседател Доналд Трамп, зголемувајќи ги тензиите со Каракас, потег што веднаш ги зголеми цените на нафтата
Зеленски разговараше со парламентот како да се спроведат избори во воена состојба
Украинскиот претседател Володимир Зеленски во средата изјави дека разговарал за правни и други прашања поврзани со можноста за одржување избори со украинскиот парламент и ги повика другите земји, вклучително и САД, да не вршат притисок по ова прашање