Американскиот претседател Доналд Трамп во понеделникот изјави дека очекува наскоро да биде потпишан американско-украинскиот договор за поделба на приходите од клучните минерали во Украина.
Трамп на состанокот на својот кабинет им кажа на новинарите дека САД разговараат со Украина за можноста американските компании да поседуваат украински електрани. Вашингтон смета дека тоа ќе биде најдобриот начин тие да бидат заштитени од руските удари.
Делегацијата на САД се состана со украинските претставници во неделата, како и со руските во понеделникот во саудискиот град Ријад. Разговорите главно се фокусираа на прекин на огнот во Црното Море, но Трамп рече дека се појавуваат и други прашања како дел од неговите напори да стави крај на тригодишната руска војна против Украина.
„Во моментов зборуваме за територија. Зборуваме за линии за разграничување. Зборуваме за енергијата, сопственоста на електрани. Некои луѓе велат дека САД треба да ја поседуваат електраната бидејќи имаме експертиза“, рече Трамп веројатно конкретно мислејќи на централата во Запорожје во истоимената област која сѐ уште е под контрола на украинските сили.
Слични новости
Близок соработник на Нетанјаху уапсени поради врски со Катар
Израелската полиција објави во понеделникот дека во рамките на истрагата за примање мито од Катар уапсени се две лица, од кои едното, како што потврди партијата Ликуд, е близок партиски соработник на премиерот Бенјамин Нетанјаху
Телата на палестински болничари извлечени од плитка гробница во песокот на Газа
Телата на осумте болничари од Црвената полумесечина и уште неколку палестински спасувачи, кои се најдоа под израелски оган пред повеќе од една седмица, се извлечени од гробница во песокот во јужниот дел на Појасот Газа, соопштија во понеделник официјални лица на Обединетите нации
Кина, Јапонија и Јужна Кореја планираат заеднички да одговорат на американските царини
Кина, Јапонија и Јужна Кореја се согласија заеднички да одговорат на американските царини, објави во понеделникот социјален медиум поврзан со кинеската државна телевизија CCTV