Американскиот претседател Доналд Трамп не планира средба со рускиот претседател Владимир Путин се додека не верува дека е постигнат договор што ќе обезбеди мир меѓу Русија и Украина.
-Мора да знаеме дека ќе постигнеме договор, нема да губам време, изјави Трамп во Доха.
Специјалниот претставник на рускиот претседател Владимир Путин за инвестиции и економска соработка, Кирил Дмитриев, претходно за Си-Ен-Ен во Вашингтон изјави дека верува оти неговата земја, САД и Украина се блиску до дипломатско решение за ставање крај на војната во Украина.
Потоа Дмитриев рече дека средбата меѓу Доналд Трамп и Путин не е откажана, како што изјави американскиот претседател, и дека двајцата лидери веројатно сепак ќе се сретнат.
Трамп е во посета на Катар, на првата станица од неговата голема азиска турнеја, што ќе кулминира со средба со кинескиот претседател Си Џинпинг в четврток.
Американскиот претседател рече дека се надева на „многу добар состанок“ со својот кинески колега и очекува Пекинг да постигне договор за избегнување дополнителни 100-процентни царини што треба да стапат на сила на 1 ноември.
Во меѓувреме, Трамп рече дека е „отворен“ за средба со севернокорејскиот лидер Ким Џонг Ун за време на турнејата, негова прва посета на регионот откако се врати на власт во јануари. Тој ќе ги посети Малезија, Јапонија и Јужна Кореја.
Во Куала Лумпур, американскиот претседател ќе учествува на самитот на Асоцијацијата на земјите од Југоисточна Азија (АСЕАН) денеска, кој постојано го игнорираше за време на неговиот прв мандат.
Се очекува да склучи трговски договор со Малезија и да биде сведок на потпишувањето на мировниот договор меѓу Тајланд и Камбоџа, со кој беше прогласен прекин на огнот на 29 јули.
Американскиот претседател ќе отпатува утре за Јапонија каде што следниот ден ќе се сретне со Санае Такаичи, која оваа недела стана првата жена премиер на јапонската влада.
Турнејата ќе заврши во Јужна Кореја, каде што се очекува Доналд Трамп да присуствува на самитот на Азиско-пацифичката економска соработка (АПЕК) што започнува в среда, на чии маргини ќе се сретне со Си Џинпинг во Гјонгџу в четврток.
Слични новости
Нетанјаху: Израел ќе остане во тампон-зоната во јужна Сирија
Израел има намера да остане во тампон-зоната во јужна Сирија, изјави премиерот Бенјамин Нетанјаху на состанокот со израелските амбасадори, според извештаите на локалните медиуми
Замир постави нова граница со Појасот Газа
Началникот на Генералштабот на израелската армија, Ејал Замир, изјави дека линијата до која се повлекоа израелските сили сега е новата граница меѓу Израел и палестинските територии
Индонезија се справува со последиците од поплавите во кои загинаа над 900 луѓе
Индонезија се справува со последиците од масовните лизгања на земјиштето и ненадејните поплави предизвикани од циклонот на островот Суматра минатата седмица, при што бројот на жртвите во неделата надмина 900 луѓе