Американскиот претседател Доналд Трамп во петокот повтори дека САД ќе продолжат да тестираат нуклеарно оружје, но не одговори директно на прашањето дали тоа ќе ги вклучува традиционалните подземни нуклеарни тестови што беа вообичаени за време на Студената војна.
„Ќе дознаете многу наскоро, но ќе направиме некои тестирања“, им рече Трамп на новинарите кои го следеа на летот со претседателскиот авион „Air Force One“ кон Палм Бич, во сојузната држава Флорида, како одговор на прашањето за подземните нуклеарни проби.
„Други земји го прават тоа. Ако тие го прават тоа и ние ќе го правиме тоа, во ред?“, додаде американскиот претседател
Трамп во четвртокот изјави дека ѝ наредил на американската војска веднаш да го рестартира процесот на тестирање нуклеарно оружје по 33-годишна пауза, во она што се оценува како порака до Кина и Русија, нуклеарните ривали на САД.
Трамп го објави ова на својот профил на социјалната мрежа Truth Social додека леташе со претседателскиот хеликоптер „Marine One“ во четвртокот на средбата со кинескиот претседател Кси Џинпинг во јужнокорејскиот град Бусан.
Не е јасно дали тој мислел на проби за нуклеарна експлозија, кои можеби ги спроведува Националната администрација за нуклеарна безбедност, или на тестови за летови на ракети способни да носат нуклеарно оружје.
Ниту една нуклеарна сила, со исклучок на Северна Кореја и тоа последниот пат во 2017 година, не спровела тест за нуклеарна експлозија повеќе од 25 години.
Слични новости
Трамп ја изостави Северна Кореја во својата безбедносна стратегија, можно обновување на дипломатијата
Новиот план на американскиот претседател Доналд Трамп за глобална безбедност повеќе не вклучува денуклеаризација на Северна Кореја, што ги поттикнува шпекулациите дека Вашингтон се стреми да ги зголеми шансите за дипломатски напредок со Пјонгјанг во 2026 година
Маск ја спореди ЕУ со нацистите, X го затвори рекламниот профил на ЕК
Два дена откако Европската унија изрече голема казна на платформата X, социјалната мрежа ја затвори својата рекламна сметка на Европската комисија, а сопственикот Илон Маск ја спореди Унијата со нацистичка Германија
Нетанјаху: Израел ќе остане во тампон-зоната во јужна Сирија
Израел има намера да остане во тампон-зоната во јужна Сирија, изјави премиерот Бенјамин Нетанјаху на состанокот со израелските амбасадори, според извештаите на локалните медиуми