„Блиску сме до постигнување на нашите цели и сега размислуваме да ги намалиме нашите обемни воени напори“, напиша Доналд Трамп на платформата Трут Соушал. Непосредно пред тоа американскиот претседател на новинарите им изјави дека САД и Израел извојувале победа.
„Мислам дека победивме“, рече Трамп. „Им ја уништивме морнарицата и воздухопловството, ја неутрализиравме нивната противвоздушна одбрана – неутрализиравме сè. Можеме слободно да се движиме. Од воена гледна точка, тие се при крај.
Со најавата за „намалување“ на војната претседателот се обидува да ја смири јавноста, која е загрижена поради растот на цените на горивото. Но, истовремено, според медиумски извештаи, американската војска испратила дополнителни сили во Персискиот Залив – три амфибиски нападни бродови и околу 2.500 маринци.
Трамп вчера повторно ги критикуваше НАТО-сојузниците нарекувајќи ги кукавици и обвинувајќи ги дека немаат храброст да интервенираат во Ормутскиот теснец.
Тој додаде дека би било добро да се ангажираат земјите кои го користат теснецот, бидејќи Кина, како што рече, добива 90% од енергијата преку тој пат, а Јапонија 95%.
Слични новости
Иран ги засилува нападите врз танкерите со нафта
Најмалку едно лице е убиено во напад врз два танкери за нафта во Персискиот Залив, соопштија ирачките власти. Танкерите беа погодени во близина на пристаништето Ум Каср во јужен Ирак.
Цените на нафтата и гасот во режим на паника
Цената на нафтата Брент денеска се покачи за 4,79 насто на 96,3 долаи по барел, а сировата нафта скокна за 4,29 насто на 91 долар за барел. Експертите сметаат дека цените на енергентите на берзите и натаму се во режим на паника.
Нападнат аеродромот во Кувајт, во Дубаи и Катар евакуации на финансиските компании
Меѓународниот аеродром во Кувајт денеска беше цел на напад на повеќе беспилотни летала. Властите во Кувајт соопштија дека е причинета материјална штета на аеродромот, но дека во нападот немало жртви.