Неколку дена по американската воена интервенција во Каракас, Трамп изјави дека директно интервенира во нафтената индустрија на Венецуела и ја обезбедува контролата врз приходите од продажбата на нафта.
Венецуела ќе им испорача на САД меѓу 30 и 50 милиони барели санкционирана нафта, а тој самиот ќе ги контролира приходите од нејзината продажба, најави Трамп. Вредноста е околу 2,8 милијарди долари по моменталната пазарна цена. Трамп најави дека нафтата ќе биде продадена, а приходите ќе им користат на двете земји.
Овој обем приближно одговара на вкупното производство на венецуелската нафтена индустрија за еден до два месеца.
Нафтата ќе биде транспортирана со бродови директно до пристаништата во САД, напиша Трамп на неговата платформа Трут соушал. Министерот за енергетика Крис Рајт добил налог овој план да го спроведе „веднаш“.
„Оваа нафта ќе се продава по нејзината пазарна цена, а парите ќе бидат контролирани од мене, како претседател на Соединетите Американски Држави, за да се осигурам дека ќе бидат употребени за доброто на венецуелскиот народ и на САД“, рече Трамп.
Според замислата на Трамп, американските компании сега треба масовно да инвестираат и да ја обноват распаднатата нафтена индустрија во Венецуела. Многу демократи го обвинуваат претседателот дека ја нападнал Венецуела само поради нејзините нафтени резерви. Апсењето на властодржецот Николас Мадуро поради наводни деликти поврзани со дрога, според нив, било само изговор.
Слични новости
Пазарите на криптовалутите во екстремен страв,биткоинот под 57 000 евра
Индексот на страв и лакомост за биткоин се наоѓа на нивото 8 во категоријата „екстремен страв“, уште полошо во однос на вчерашниот индекс 10, што сугерира дека сентиментот на пазарот на криптовалутите е исклучително лош.
Цената на нафтата скокна за повеќе од 3 насто поради страв од конфликт меѓу САД и Иран
Цената на американската сирова нафта порасна за 3,19 насто на 64,32 долари по барел, а нафтата Брент поскапе за 3,03 насто на 69,49 долари по барел.
Венецуела би можела во 2026 да го зголеми производството на нафта за 40 насто
Таквиот раст би значел дополнителни 300-4000 000 барели нафта дневно, што би изнесувало дури една третина од очекуваното глобално зголемување на побарувачката за нафта во 2026.