Американскиот претседател Доналд Трамп во средата објави повлекување на отстапките дадени на Венецуела од неговиот претходник Џо Бајден пред две години.
Трамп, во објава на социјалната мрежа Truth Social, рече дека ги „прекинува отстапките“ од „договорот за трансакција на нафта, од 26 ноември 2022 година“.
На тој ден во 2022 година, администрацијата на Бајден му издаде лиценца на „Chevron“ да го прошири своето производство во Венецуела и да увезува сурова нафта во Соединетите држави. Тоа беше единствената лиценца што администрацијата и ја додели на Венецуела тој ден. Трамп не го спомнува „Chevron“ во својата објава.
Најавата на Трамп уследи по една од почетокот на февруари во која тој рече дека Венецуела го прифатила враќањето на сите илегални мигранти од таа земја од Соединетите држави и ќе обезбеди нивен транспорт назад.
Во најновото соопштение, Трамп рече дека Мадуро не ги префрла Венецуелците од САД со темпото што беше договорено.
Венецуелскиот претседател Николас Мадуро и неговата влада отсекогаш ги отфрлаа американските и другите санкции, велејќи дека тоа се незаконски мерки кои се еднакви на „економска војна“ чија цел е уништување на Венецуела.
Мадуро и неговите сојузници ја пофалија отпорноста на земјата и покрај мерките, иако историски ги обвинуваа санкциите за економските тешкотии и недостигот.
Слични новости
На самитот на Г7 нема да разговара за американското „преземање“ на Канада, вели Рубио
Американскиот државен секретар Марко Рубио во средата изјави дека на состанокот на министрите за надворешни работи на земјите од групата Г7, планиран да се одржи во четврток во Канада, нема да се разговара за „преземањето на Канада“ од страна на САД, како што повеќепати споменуваше американскиот претседател Доналд Трамп
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада