Американскиот претседател Доналд Трамп во неделата изјави дека Џон Коул, кој помогна во преговорите за ослободување на затвореници од Белорусија, бил негов избор да биде специјален пратеник во земјата и дека ќе се залага за ослободување на повеќе затвореници.
Трамп испрати неколку делегации во Минск оваа година, во обид да го зголеми присуството на САД во Белорусија. Белорускиот претседател Александр Лукашенко е близок сојузник на рускиот претседател Владимир Путин.
Во септември Белорусија ослободи 52 затвореници по апелот на Трампm, од кои 14 странски државјани осудени за шпионажа, екстремизам и тероризам. Претходно, тој го повика Лукашенко, кој е на власт повеќе од 30 години, да ослободи 1.400 затвореници кои американскиот лидер ги опишува како заложници.
„Коул веќе успешно преговараше за ослободување на 100 заложници и се стреми кон дополнителни 50“, рече Трамп во објава на неговата мрежа Truth Social.
„Би сакал однапред да му се заблагодарам на почитуваниот претседател на Белорусија, Александр Лукашенко, за неговото разгледување на ослободувањето на овие дополнителни луѓе.“
Лукашенко помилува најголем број затвореници во септември, а по години изолација и санкции, се проценува дека има намера да ги поправи односите со САД кои ја затворија својата амбасада во Минск во февруари 2022 година, обвинувајчќија дека Русија ја искористила Белорусија наводно за да испрати десетици илјади војници во соседната Украина.
Слични новости
Индонезија се справува со последиците од поплавите во кои загинаа над 900 луѓе
Индонезија се справува со последиците од масовните лизгања на земјиштето и ненадејните поплави предизвикани од циклонот на островот Суматра минатата седмица, при што бројот на жртвите во неделата надмина 900 луѓе
Макрон по примерот на Трамп ѝ се закани со царини на Кина
Францускиот претседател Емануел Макрон изјави дека му се заканил на Пекинг со царини за време на посетата на Кина доколку не преземе мерки насочени кон намалување на растечкиот трговски суфицит со Европската унија
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје